खापर l प्रतिनिधी
महाराष्ट्र लोकसेवा आयोगामार्फत 2020 मध्ये घेण्यात आलेल्या सहाय्यक मोटार वाहन निरीक्षकाच्या परीक्षेत खांडबारा येथील अर्पितसिंह विनोदसिंह परदेशी याने परीक्षा उत्तीर्ण होत यश मिळविले आहे.
महाराष्ट्र लोकसेवा आयोगामार्फत सन 2020 मध्ये घेण्यात आलेल्या सहाय्यक मोटार वाहन निरीक्षक पदाच्या परीक्षेत खांडबारा ता. नवापूर येथील अर्पितसिंह परदेशी याने यश संपादन केले असून महाराष्ट्र लोकसेवा आयोगाची परीक्षा उत्तीर्ण होणारा पहिला युवक ठरला आहे. खांडबारा येथील एग्रीकल्चर हायस्कूलचे मुख्याध्यापक विनोद सिंह परदेशी यांच्या तो मुलगा असून अक्कलकुवा येथील शिवसेना उपतालुकाप्रमुख किशोर ठाकूर यांच्या शालक आहे.त्यांच्या या यशाबद्दल शिवसेना जिल्हाप्रमुख आमश्या पाडवी यांच्यासह पंचायत समितीचे माजी उपसभापती इन्‍द्रपालसिंह राणा यांच्यासह उत्तर भारतीय परदेशी समाजाच्या वतीने त्याचा सत्कार करण्यात आला यावेळी मोठ्या संख्येने परदेशी समाज बांधव उपस्थित होते.
