नंदुरबार | प्रतिनिधी
मालकी हक्क असलेल्या जागेवर वीज कंपनीने भाडयाने कार्यालय घेतले. न्यायालयाच्या आदेशानुसार कार्यालय खाली करण्यास गेलेल्या जागा मालकासह त्यांच्या मुलाला डांबुन ठेवत अनधिकृतपणे जागेचा ताबा घेतल्याप्रकरणी तसेच जीवे ठार मारल्याप्रकरणी वीज कंपनीच्या कार्यकारी अभियंत्यांसह तीन जणांविरूध्द फसवणूक व इतर कलमान्वये गुन्हा दाखल करण्यात आला आहे.
पोलीस सुत्रांनुसार, नंदुरबार येथील व्यापारी मदनलाल लालचंद जैन यांच्या मालकीची जागा व कार्यालय बसस्थानकासमोरील सर्व्हे क्रमांक २५१ अ २ वर आहे. तेथे वीज कंपनीने भाडयाने कार्यालय घेतले आहे.
याबाबत न्यायालयात प्रकरण गेले होते. न्यायालयाच्या आदेशान्वये जैन व त्यांचा मुलगा भावेश हे न्यायालयाचे बिलीफ व मंजुरांना घेवून कार्यालय खाली करण्यासाठी दि.१४ जून २०२२ रोजी गेले होते. त्यावेळी बारसे व इतर दोघांनी त्यांना न्यायालयाचे खोटे ई मेल हे खरे असल्याचे दाखविले.
जागा खाली करण्याच्या कामात अडथळा आणला व दिशाभूल केली तसेच जैन पिता पुत्रांना ठार मारण्याची धमकी देवून त्यांना डांबून ठेवले बंद करा हा तमाशा सांगून आरडाओरड केली. दरम्यान मनदलाल जैन यांनी याबत तब्बल चार महिनयानंतर पोलीसांत फिर्याद दिली. त्यावरून ए.ए.बोरसे, अधिक्षक अभियंता , वीज कंपनी, संजय मुरलीधर पाटील सेवानिवृत्त कार्यकारी अभियंता व राहुल सिन्ना मुंबई यांच्याविरूध्द फसवणूक व इतर कलमान्वये गुन्हा दाखल करण्यात आला आहे. पुढील तपास निरीक्षक किरणकुमार खेडकर करीत आहेत.
