नंदूरबार l प्रतिनिधी
नंदूरबार शहर तसेच जिल्ह्यातील धडगाव, अक्कलकुवा, नवापूर, शहादा, तळोदा तालुक्यात शनिवारी रात्री आकाशात एक वेगळाच प्रकाश पहिला. दिवाळीच्या शोभेच्या फटाक्यांप्रमाणे आकाशातून ४ चमकदार वस्तू बराच काळ आकाशातून खालच्या दिशेने जाताना दिसल्या. ज्या-ज्या नागरिकांनी हे दृश्य पाहिले ते फोन करून एकमेकांना विचारणा करीत आहेत. अद्याप ‘त्या’ वस्तू काय होत्या याचे गूढ मात्र कायम आहे ग्रामीण भागातील नागरिकांमध्ये नेमका काय प्रकार आहे याबाबत चर्चा आहे. काही ठिकाणी तुटता तारा असल्याची चर्चा आहे. जवळपास 7.30 ते साडेआठ वाजेच्या दरम्यान जिल्ह्यात रॉकेट सारखे उजेड दिसल्याने चर्चांना उधाण आले.
हा प्रकार नेमका काय प्रकार आहे याबाबत अद्याप प्रशासनाकडून कुठलीही स्पष्टता नाही.
मात्र भौगोलिक अभ्यासकांच्या मते उल्कापात उल्कावर्षाव असल्याचे माहिती सांगण्यात आली.
जिल्हाभरातील नागरिकांमध्ये कुतूहल निर्माण झाले होते. प्रत्येकाने आपापल्यापरिने तर्क-वितर्क लावले. सर्वत्र उल्का वर्षाव झाल्याची चर्चा होती. मात्र नेमका नैसर्गिक चमत्कार काय होता? याबाबत प्रत्येकाकडून वेगवेगळे तर्क-वितर्क लावण्यात येत होते. या घटनेमुळे अनेकांमध्ये काहीशी भीती देखील निर्माण झाली होती. तर खगोल अभ्यासकांकडून मात्र ही एक अवकाशीय घटना असून याचा आनंद घ्या, असे सांगण्यात आले.याबाबत अनेक भौगोलिक अभ्यासकांशी चर्चा केली असता वेगवेगळी अंदाज व्यक्त करण्यात आला.दरम्यान अशी घटना राज्यात पाहायला मिळाली.
