नंदूरबार l प्रतिनिधी
सन -२०२२ मधील हरविलेल्या ७९ महिला व ९ बालकांना शोधण्यात नंदुरबार जिल्हा पोलीसांना यश आले आहे.
याबाबत अधिक माहिती अशी की, सन -२०२२ मध्ये नंदुरबार जिल्ह्यातील विविध पोलीस ठाण्यांमध्ये एकुण १२३ महिला व पुरुष बेपत्ता झा लेले होते.त्याबाबत संबंधीत पोलीस ठाण्याला मिसिंग या शिर्षकाखाली नोंद घेण्यात आलेली होती . पोलीस अधीक्षक , नंदुरबार पी . आर . पाटील मिसिंग व बेपत्ता बालकांचा आढावा घेतला असता नंदुरबार जिल्ह्यातील मिसिंग केसेसमध्ये महिला व बालक मिळून येण्याचे प्रमाण अत्यंत कमी होते . म्हणून पोलीस अधीक्षक पी . आर . पाटील यांनी मिसिंग केसेसमधील महिला व बालककांना शोधून काढण्यासाठी पोलीस अधीक्षक कार्यालय , नंदुरबार येथे मिसिंग डेस्क स्थापन करण्यात आला आहे .. १ जानेवारी २०२२ पासून मिसिंग डेस्कमुळे बेपत्ता बालके , महिलापैकी २५ मिसिंग महिला व ३ बालके यांना शोधण्यात नंदुरबार जिल्हा पोलीस दलास यश आले आहे . मिसिंग डेस्कमुळे नंदुरबार शहर येथील ३ , उपनगर १ , विसरवाडी २ , नवापुर ३ , शहादा ६ , सारंगखेडा ६ , अक्कलकुवा २ , तळोदा २ अशा एकूण २५ मिसिंग व्यक्तींचा शोध स्थापन करण्यात आलेल्या मिसिंग डेस्ककडून घेण्यात आला . तसेच १ जानेवारी २०२२ मध्ये पोलीस ठाणे स्तरावर राबविण्यात आलेल्या विशेष मोहिमेंतर्गत ५४ महिला व ६ बालक असे १ जानेवारी २०२२ पासून एकुण ७९ मिसिंग महिला व ९ बेपत्ता बालकांना शोधण्यात नंदुरबार जिल्हा पोलीस दलास यश आले आहे . पोलीस महासंचालक , महाराष्ट्र राज्य मुंबई यांच्याकडील आदेशान्वये राज्यातील प्रत्येक जिल्ह्यात पोलीस नियंत्रण कक्षात मिसिंग डेस्क तयार करण्यात आला आहे . नंदुरबार जिल्हा पोलीस नियंत्रण कक्षातील मिसिंग डेस्कचे अंमलदार सहा . पोलीस उप निरीक्षक शभगवान धात्रक यांचे मार्फत पोलीस ठाण्यात संपर्क करुन पोलीस ठाणे स्तरावर दाखल बेपत्ता बालके व महिला यांचे नातेवाईक तसेच प्रभारी अधिकारी व बेपत्ता प्रकरणातील तपासी अधिकारी यांना दररोज संपर्क करुन बेपत्ता इसमाबाबत माहिती घेवून ते मिळुन येण्याकरीता प्रयत्न केले जातात . गुन्हे तपासा बरोबरच बेपत्ता बालके व महिला यांचा शोध घेण्याकरीता सचोटीने प्रयत्न करण्याबाबत पोलीस अधीक्षक पी . आर . पाटील यांनी आवाहन केले आहे . नंदुरबार जिल्ह्यातील जास्तीत जास्त बेपत्ता बालके व महिला मिळुन येण्यास नंदुरबार पोलीस दलास यश प्राप्त झाले आहे . पोलीस अधीक्षक पी . आर . पाटील , अपर पोलीस अधीक्षक विजय पवार व पोलीस निरीक्षक रविंद्र कळमकर , स्थानिक गुन्हे शाखा यांच्या मार्गदर्शनाखाली महिला सहाय्यता कक्षाचे प्रभारी अधिकारी सहा . पोलीस निरीक्षक नयना देवरे , सहा . पो उपनिरीक्षक भगवान धात्रक हे काम करीत आहे .