नंदुरबार l प्रतिनिधी
शहरातील युवती शिफा पाडवी हि मलेशिया येथे होणाऱ्या आंतरराष्ट्रीय मिस पेटीट ग्लोबलमध्ये भारताचे प्रतिनिधित्व करणार असून दुर्गम जिल्ह्यातील युवती आहे. या स्पर्धेत ती एकमेव भारत देशाचे प्रतिनिधित्व करणार आहे.
इच्छाशक्ती आणि मेहनतीच्या जोरावर शहरातील शिफा पाडवी या मिशन इंग्लिश मीडियम स्कूल मध्ये दहावीत असलेल्या आदिवासी विद्यार्थिनीने लवकरच आंतरराष्ट्रीय स्तरावर भारताचे प्रतिनिधित्व करण्याचे तिचे स्वप्न पूर्ण करणार आहे, जेव्हा ती मलेशियामधील कोचीन शहरात २ मे रोजी २०२२ होणाऱ्या मिस पेटीट ग्लोबलमध्ये भारताचे प्रतिनिधित्व करेल ज्यामध्ये 18 हून अधिक देश सहभागी होत आहेत.
नुकतेच पुणे येथे दोन ऑडिशन फेऱ्या पार केल्यानंतर आणि 23 उमेदवारांशी स्पर्धा केल्यानंतर शिफा पाडवी ची स्पर्धेसाठी निवड झाली . तिला या क्षेत्रात तिचे गुरू कासिम सय्यद यांनी मार्गदर्शन केले.मिस पेटीट ग्लोबलचे नॅशनल डायरेक्टर गौरव सिंग आणि प्रियांका मोरे यांच्या मार्गदर्शनाखाली मिस शिफा जागतिक फायनलसाठी स्वत:ला तयार करणार आहे. मिस पेटीट ग्लोबलमध्ये प्रतिनिधी असण्यासोबतच, शिफा आगामी आंतरराष्ट्रीय स्पर्धा मिस ग्लॅमर लूक इंडियामध्येही भाग घेणार आहे. शिफा यापूर्वी मिस महाराष्ट्र तसेच मिस युनिव्हर्स या स्पर्धांमध्ये सहभाग घेऊन यश मिळविले आहे. यासाठी आई दीपमाला पाडवी ,वडील गौरव पाडवी यांचे मार्गदर्शन लाभले आहे एस.ए. एम.संस्थेने तसेच पुनम पाडवी ,प्रगती पाटील ,मनोज तांबोळी यांनी सहकार्य केले.
अनेक मान्यवरांनी केला सत्कार
शिफा पाडवी हिच्या आंतरराष्ट्रीय स्पर्धेत झालेल्या निवडीबद्दल तिच्या सत्कार खा डॉ हिना गावित, राष्ट्रवादी कॉंग्रेस चे जिल्हाध्यक्ष डॉ अभिजीत मोरे , मिशन इंग्लिश मीडियम स्कूल मार्फत मुख्याध्यापिका सुनिता अहिरे यांनी सत्कार केला.
माझे आंतरराष्ट्रीय स्पर्धेमध्ये सहभागी होण्याचे माझे स्वप्न होते ते लवकरच पूर्ण होणार आहे त्यासाठी माझ्या गुरूंचे मार्गदर्शन लाभत आहे. यात मी नक्की यशस्वी होईल.
शिफा पाडवी, नंदुरबार.
