नंदुरबार | प्रतिनिधी
अक्कलकुवा तालुक्यातील सोजदान या गावात परंपरेनुसार गेर डिंडन (याहा डिंडन ) नृत्याला सुरूवात झाली. या नृत्याचे कार्यक्रम (धुलिवंदन )दिवसापासून आयोजित करण्यात येतो .धुलिवंदनाच्या दिवशी सोजडान येथून सुरूवात होते.दि.२४ मार्च रोजी मोदलपाडा ता.तळोदा येथे गेर डिंडन (याहा डिंडन ) नृत्याचे आयोजन करण्यात आले असुन नागरीकांनी उपस्थीत राहण्याचे आवाहन माजी मंत्री पद्माकर वळवी यांनी केले आहे.
सातपुड्याला लागूनच असलेल्या आलिविहीर (सोजदान) येथील लोकप्रिय गेर डिंडन १९५१- ५२ मध्ये कुवरसिंग तापसिंग पाडवी यांनी सुरूवात केली होती .ही परंपरा त्याच्या नातू जगतसिंग गटवरसिंग पाडवी हे पुढे चालवत आहेत. होळीच्या दहा पंधरा दिवसाअगोदर पासून सुरु होणार्या गेर डिंडनच्या नृत्यात सहभागी होणार्या मुलांना मुली म्हणून संबोधण्यात येते. या प्रशिक्षणात पाच वर्षाच्या बालकापासून प्रौढवयीन व्यक्तीपर्यंत कोणीही सहभागी होऊ शकतो. नृत्यास येणार्यास धोती आणि पगडी ,पातळ असलेल्या पेहराव असतो.हातात दिंडन घेऊन बासरी,मांडूल ,ताठ यांच्या तालावर ते गेर दिंडनच्या नऊ चाली असतात सध्या सहभागी झालेले युवक व प्रौढवयीन पुरूष ज्या गावात नृत्य असेल तेथेच मुक्काम करावा लागणार आहे. या काळात ते नृत्यासाठी आलेले युवक व प्रौढ आंघोळ करत नाहीत .केवळ ते स्वतःचे ओठ आणि डोळे ओले करू शकतात. स्री सहवास टाळवा लागतो ,पायात चप्पल न घालणे,पाणी न ओलांडाणे आदी कडक नियम त्यांना पाळावे लागतात. सोजदान या गावात १८ मार्च पासुन परंपरेनुसार गेर डिंडन (याहा डिंडन ) नृत्याला सुरूवात झाली.२४ मार्च रोजी तळोदा तालुक्यातील मोदलपाडा येथे गेर डिंडन (याहा डिंडन ) नृत्याचे आयोजन करण्यात आले आहे.दुपारी १२ वाजेपासुन या कार्यक्रमाला सुरूवात होणार आहे.या कार्यक्रमाला जिल्ह्यातील नागरीकांनी उपस्थीत राहण्याचे आवाहन माजी मंत्री पद्माकर वळवी यांनी केले आहे.
