म्हसावद l प्रतिनिधी
शहादा तालुक्यातील म्हसावद येथील प.पू.सती गोदावरी माता माध्य.विद्यालय म्हसावद च्या 17 विद्यार्थ्यांनी रोटरी क्लब राजकोट आयोजित व्हर्च्यूअल 25 व 5 किलोमीटर सायकल मॅराथाॅनमध्ये सहभाग नोंदवून यशस्वीपणे पुर्ण केली
.रविवारी पहाटे साडे पाच वाजता 5 कीलोमीटर सायकल मॅरेथाॅन सुरूवात झाली.यात संत आसारामबापू प्राथमिक शाळेचे पाच विद्यार्थी सहभागी झाले.सर्वांनी पंचवीस मिनीटाच्या आत स्पर्धा पुर्ण केली.यात पहीला क्रमांक धनंजय गोरख ठाकरे,दुसरा मयुर मल्हारराव ठाकरे तर तिसरा भुषण गुरव आला.निशांत गायकवाड,कुशल सुर्यवंशी यांनी यशस्वीपणे स्पर्धा पुर्ण केली. 25 किलोमीटर मॅरेथाॅन सकाळी सहा वाजता सुरू झाली. म्हसावद ते काथर्दा खुर्द हे 13 किलोमीटर परतीचे अंतर सर्वांनी एक तास पंचेचाळीस मिनीटाच्या आत पुर्ण केले. यात दुर्गेश गिरासे प्रथम क्रमांक, मोहीत गिरासे दुसरा तर भुषण वसावे तिसरा आला.तन्मय धनगर,यश लांडगे,यश धनगर,पियुष पावरा,शैलेष पवार,ओम सुर्यवंशी,प्रितेश निकवाडे,आदित्य बोरसे,सुधाकर पाटील यांनी यशस्वीपणे स्पर्धा पुर्ण केली.मुख्याध्यापिका सुरेखा गुजर,पर्यवेक्षिका संगीता जयस्वाल यांच्या मार्गदर्शनाखाली क्रीडा शिक्षक सुधाकर पाटील यांनी परिश्रम घेतले.
