नंदुरबार | प्रतिनिधी
शहादा तालुक्यातील फत्तेपूर येथे होळीचा दांडा पडून बालिका गंभीर जखमी झाल्याची घटना घडली. सदरची घटना हि दि.१७ मार्च रोजी घडली होती. या युवतीची प्रकृत्ती आता स्थिर आहे.
नंदुरबार जिल्हा आदिवासी बहुल जिल्हा आहे. सातपुडयासह जिल्हाभर होलिकोत्सवाला अन्यसाधारण महत्व आहे. दि.१७ मार्च रोजी शहादा तालुक्यातील फत्तेपूर येथे सालाबादाप्रमाणे होळीका उत्सव साजरा करीत असतांना रात्री ८ ते ९ वाजेदरम्यान होळी प्रज्वलीत केल्यानंतर पुजाअर्चा सुरू असतांना काही नागरीक हे होळी आजुबाजूने प्रदर्शन घालत असतांना अचानक होळीचा जळका दांडा जमिनीकडे कोळसला याठिकाणी असलेल्या रिना दयाराम ठाकरे या बालिकेवर हा दांडा पडला. या घटनेत ही बालिका गंभीर जखमी झाली होती. त्यानंतर तात्काळ तिला ग्रामस्थ व पोलीस कर्मचार्यांनी खाजगी रूग्णालयात दाखल केले.तिच्या डोक्याला व खांद्याला गंभीर दुखापत झाल्याने तिच्यावर उपचार करण्यात आले. रिना ठाकरे हिची प्रकृती स्थिर असून तिला रूग्णालयात डिस्चार्ज देण्यात आला.
यावेळी होळी दहनासाठी गावातील नागरीक मोठया संख्येने उपस्थित होते. होळीचा जळका दांडा उपस्थितांवर पडला. असता तर मोठा अनर्थ घडला असता. काही जणांमुळे कुठलाही अनर्थ घडला नाही.
