मोलगी । प्रतिनिधी
अक्कलकुवा तालुक्यातील बर्डीचा पाटीलपाडा येथे अद्यात कारणाने लागलेल्या आगीत तीन घरे, व 3 बैल जळुन खाक झाल्याची घटना घडली आहे.
दि.17 एप्रिल रोजी सकाळी 11 वाजेच्या सुमारास बर्डीचा पाटीलपाडा येथे बबन सिंगा वसावे, सिंगा डेटका वसावे तसेच बबन सिंगा वसावे यांच्या भावाच्या घराला अज्ञात कारणाने आग लागली.
या आगीत 1 लाख 20 हजार रु.रोख रक्कम, साधारण 70 क्विंटल धान्य ,3 बैल,170 सागाच्या लाकडी दांड्या इतर कपडे, जीवनावश्यक व संसारोपयोगी साहित्य असे एकुण 7 लाख 90 हजार रुपयांच्या साहित्याचे नुकसान झाले आहे.याबाबत बबन सिंगा वसावे यांच्या फिर्यादी वरुन मोलगी पोलीस ठाण्यात अग्नि उपद्रवाची नोंद करण्यात आली असुन पुढील तपास हे.कॉ. संजय मनोरे हे करीत आहेत.
