नंदुरबार | प्रतिनिधी
नंदुरबार तालुक्यात काल दि.२८ रोजी रात्री पुन्हा दोन कोरोना रुग्ण आढळुन आला आहे.सध्या नंदुरबार जिल्ह्यात कोरोनाचे ८ ॲक्टीव रूग्ण आहेत.
नंदुरबार प्रशासनातर्फे दि.२८ रोजी १८६ जणांची कोरोना चाचणी करण्यात आली होती रात्री उशिराने अहवाल प्राप्त झाला त्यात नंदुरबार तालुक्यातील अंबापुर येथील एक व तालुक्यातील आष्टा येथील एक अशा दोघांचा कोरोना अहवाल पॉझिटीव्ह आला आहे.सध्या नंदुरबार जिल्ह्यात कोरोनाचे ८ ॲक्टीव रूग्ण आहेत.यात नंदुरबार तालुक्यात ६, तळोदा व नवापूर तालुक्यात प्रत्येकी एका रुग्णाचा समावेश आहे. नंदुरबार जिल्ह्यात पॉझिटीव्ह रेट १५.८१, मृत्यू दर २.३७, बरे होण्याचे प्रमाण ९७.६२ टक्के आहे.नंदुरबार जिल्ह्यात सध्या विविध सण उत्सवाच्या पार्श्वभूमीवर नागरिकांनी गर्दीत न जाता शासनाने दिलेल्या सूचनांचे पालन करत, आपली व कुटुंबाची काळजी घेणे आवश्यक आहे.
