नंदुरबार l प्रतिनिधी –
येथील यहामोगी सभागृहात माझी वसुंधरा अभियानंतर्गत सहभागी ग्रामपंचायतींतील सरपंच ,उपसरपंच, ग्रामसेवक, ग्रामविकास अधिकारी अंगणवाडीसेविका ,रोजगार सेवक यांचेसाठी जिल्हास्तरावर एक दिवसीय कार्यशाळा घेण्यात आली .
राज्य शासनाच्या पर्यावरण व वातावरणीय बदल विभागामार्फत माझी वसुंधरा टप्पा -२ हे अभियान सुरू आहे. नंदुरबार जिल्ह्यात जिल्हा जिल्हा परिषदेचे मुख्य कार्यकारी अधिकारी रघुनाथ गावडे यांच्या मार्गदर्शनाखाली हे अभियान राबविण्यात येत आहे.शासनामार्फत माझी वसुंधरा टप्पा -२ राबविण्याबाबत मार्गदर्शक सूचना प्राप्त झाल्या आहेत. तसेच अभियान राबविण्याबाबत टप्पा -१ व टप्पा -२ यात अभियान राबविण्यासाठी राबविण्यात येणारे उपक्रम व गुणांकण पद्धती याविषयी माहिती देण्यासाठी या कार्यशाळेचे आयोजन करण्यात आले होते.
कार्यशाळेत प्रकल्प संचालक राजेंद्र पाटील ,उपमुख्य कार्यकारी अधिकारी (पाणी व स्वच्छता) डॉ. वर्षा फडोळ यांनी पृथ्वी ,जल ,आकाश ,अग्नी, वायू या पंचतत्त्वांच्या संरक्षणासाठी राबवायचे उपक्रम याविषयी मार्गदशन केले . जिल्हा कक्षातील युवराज सूर्यवंशी यांनी पंचतत्व व त्यांच्या संरक्षणासाठी ग्रामपंचायत स्तरावर कोण कोणते उपक्रम राबविण्यात यावेत व त्यासाठी असणारी गुणांकण पद्धत याविषयी मार्गदर्शन केले
कार्यशाळेत शहादा तालुक्यातील प्रकाशा, लोणखेडा, वडाळी ,बामखेडा, खेड दिगर ,कल्साडी ,पुरुषोत्तम नगर, ब्राह्मणपुरी अक्कलकुवा , राजमोहि,मोठी नंदुरबार तालुक्यातील धानोरा, नवापुर तालुक्यातील खोकसा ,तळवे, गणेश बुधावल तालुका तळोदा अशा एकूण 15 ग्रामपंचायतींचे सरपंच ,उपसरपंच, तालुकास्तरावरील विस्तार अधिकारी( पंचायत, कृषी), शाखा अभियंता( ग्रामीण पाणी पुरवठा, बांधकाम, लघुसिंचन ) मनरेगा विभागाचे तांत्रिक कर्मचारी ग्रामसेवक, ग्रामविकास अधिकारी अंगणवाडी सेविका ,रोजगार सेवक उपस्थित होते. सूत्रसंचालन व आभार प्रदर्शन जिल्हा कार्यक्रम अधिकारी सुनील पाटील यांनी केले.
