नंदूरबार l प्रतिनिधी
धडगाव येथील कृषी उत्पन्न बाजार समितीच्या सभापतीपदी जामसिंग पारशी पराडके यांची तर उपसभापतीपदी ईश्वर हारसिंग पावरा यांची बिनविरोध करण्यात आली.
धडगाव येथील कृषी उत्पन्न बाजार समितीच्या सभापती व उपसभापती निवड करण्यासाठी २ मे रोजी निवडणूक निर्णय अधिकारी किसन गावीत, निवासी नायब तहसीलदार अक्राणी व सहाय्यक निवडणूक अधिकारी सी. के. पावरा लेखापरीक्षक शहादा यांच्या अध्यक्षतेखाली बाजार समिती कार्यालयात विशेष सभा बोलावण्यात आली होती.
या सभेत जामसिंग पारशी पराडके व ईश्वर हारसिंग पावरा यांचे एकमेव नामनिर्देशन पत्र दाखल करण्यात आले.दोन्ही पदांसाठी एकमेव अर्ज आल्याने निवडणूक निर्णय अधिकारी किसन गावीत यांनी सभापतीपदी जामसिंग पारशी पराडके यांची तर उपसभापतीपदी ईश्वर हारसिंग पावरा यांची निवड जाहीर केली.
दरम्यान धडगाव कृषी उत्पन्न बाजार समितीही बिनविरोध झाली होती.सभापती पद शिंदे गटाकडे तर उपसभापती पद काँग्रेस कडे गेले आहे.
