नंदुरबार l प्रतिनिधी-
प्रगती विद्या प्रसारक संस्था नंदुरबार संचालित, वि.जा.भ.ज. प्राथमिक व माध्यमिक आश्रम शाळा नांदरखे येथे प्रवेशोत्सव साजरा करण्यात आला. यावेळी ट्रॅक्टरचे सजावट करून विद्यार्थ्यांना ट्रॅक्टरवर बसवून ट्रॅक्टरची पूजा करून ढोल ताशाच्या गजराने संपूर्ण गावात रॅली काढण्यात आली या रॅलीमुळे गावात अतिशय आनंद उत्साह निर्माण झाला.
शाळेच्या गेट वरती अध्यक्ष व प्रमुखांच्या वतीने फित कापून शाळेत प्रवेश करण्यात आला. कार्यक्रमाच्या अध्यक्षस्थानी संस्थेचे चेअरमन विशाल पाटील तर कार्यक्रमाचे प्रमुख पाहुणे लोकनियुक्त सरपंच लक्ष्मण सूर्यवंशी,माजी पंचायत समिती सदस्य जवाहरलाल राठोड ,ग्राम पंचायत सदस्य हिरामण पवार माध्यमिक मुख्याध्यापिका प्राप्ती पाटील , प्राथमिक मुख्याध्यापक सागर नामगे उपस्थित होते. मान्यवरांच्या हस्ते सरस्वती मातेचे प्रतिमा पूजन करण्यात आले. आलेल्या सर्व विद्यार्थ्यांचे गुलाब पुष्प देऊन मान्यवरांच्या हस्ते स्वागत करण्यात आला तसेच विद्यार्थ्यांना पुस्तके व कपडे देण्यात आले यानंतर विद्यार्थ्यांना मिष्ठान्न देण्यात आले कार्यक्रम यशस्वी साठी सर्व शिक्षक व शिक्षकेतर कर्मचारी यांनी परिश्रम घेतले
