नंदुरबार l प्रतिनिधी-
नंदुरबार तालुक्यातील जिल्हा परिषद शाळा कोळदा येथे नंदुरबार लोकसभा मतदार संघाच्या संसद रत्न माजी खासदार डॉ.हिना गावित ह्या स्वतः नवीन प्रवेशार्थी विद्यार्थ्यांचे स्वागत करण्यासाठी पोहोचल्या. शाळा परिसरात विद्यार्थ्यांची ढोल ताशांच्या गजरात मिरवणूक करण्यात आली.
या मिरवणुकीत सहभागी होत विद्यार्थ्यांना हात धरून वर्गात बसविले. नूतन विद्यार्थ्यांचे पुष्प देऊन स्वागत केले. शाळेच्या पहिल्याच दिवशी विद्यार्थ्यांना माजी खासदार डॉ.हिना गावित यांच्या हस्ते पाठ्यपुस्तक व गणवेशाच वितरण करण्यात आले. याप्रसंगी या कार्यक्रमाला गटशिक्षणाधिकारी जयवंत चौरे, सरपंच मोहिनी वळवी, उपसरपंच गायत्री पाटील,
ग्रामसेवक संजय देवरे , ग्रामपंचायत सदस्य आनंद गावित, ज्ञानेश्वर राजपूत, भाजपा माजी तालुकाध्यक्ष जयंत पाटील, सतीश वळवी ,सचिन ठाकरे, किरण गवळे, केंद्रप्रमुख मनोज पवार, मुख्याध्यापक सतिश शिंदे शिक्षकवृंद, ग्रामपंचायत सदस्य व कर्मचारी आदी उपस्थित होते
