म्हसावद l प्रतिनिधी
विद्या गौरव प्रि-प्राय.,प्रायमरी,गौरव सेकंडरी इंग्लिश मेडिअम स्कूल व गौरव कला,वाणिज्य व विज्ञान कनिष्ठ महाविद्यालय आमलाड ता.तळोदा येथे कायदेविषयक मार्गदर्शन शिबिराचे आयोजन करण्यात आले होते.
अध्यक्षस्थानी प्राचर्या विश्वास पवार हे होते तर प्रमुख पाहुणे ललित पाठक होते. यावेळी मार्गदर्शक म्हणून सहायक पोलीस निरीक्षक अमित बागुल व ट्रॅफिक कॉन्स्टेबल वसावे व शशिकांत अहिरे हे उपस्थित होते. त्यांचा सत्कार शाल,श्रीफळ व पुष्पगुच्छ देऊन करण्यात आला. यावेळी सपोनि बागुल यांनी विविध कायद्यांची माहिती विद्यार्थ्यांना दिली,आपले वर्तन कसे असावे तसेच करिअर विषयी देखील मार्गदर्शन केले. तसेच वसावे व अहिरे यांनी राष्ट्रीय सुरक्षा सप्ताह वाहतुकीच्या नियमांसंदर्भात माहिती दिली यावेळी सर्व शिक्षक,शिक्षकेतर कर्मचारी व विद्यार्थी उपस्थित होते. सूत्रसंचालन किरण वळवी यांनी केले.
