नंदुरबार l प्रतिनिधी –
कोरोनाच्या प्रादुर्भाव वाढल्यानंतर लागू करण्यात आलेल्या लॉकडाऊन नंतर येथून चालणारी गाडी क्र. ५९०१३/५९०१४ सुरत- भुसावळ पॅसेंजर बंद सुरू करण्यात आली होती.मात्र एका दिवसात पुन्हा बंद करण्यात आली होती.
तीला एक्सप्रेसचा दर्जा देण्यात आल्याने या गाडीच्या क्रमांकात बदल करण्यात आला असून ही गाडी आता १९०५/१९००६ सुरत भुसावळ एक्सप्रेस अशी झाली आहे. अखेर ही गाडी आता १३ जून पासून पुर्ववत कार्यरत होणार असल्याचे वेस्टर्न रेल्वेने घोषित केले आहे.
दरम्यान, गाडी क्र. १९००५/१९००६ सुरत भुसावळ एक्सप्रेस ही ८ व ९ जून रोजी नियमित सुरु होणार होती. याबाबत मध्य रेल्वेने ६ जून रोजी नोटीफिकेशन जारी केले होते.
मात्र वेस्टर्न रेल्वेने ७ जून रोजी जारी करण्यात आलेल्या ट्वीटवरुन ही गाडी अद्याप सुरू करण्यात आली नसल्याने जाहीर केले होते. त्यामुळे वेस्टर्न व मध्य रेल्वेतील यांच्यामधील निर्णय वेगवेळे असल्याचे समोर आले होते. मात्र वेस्टर्न रेल्वेने १० जून रोजी सायंकाळी ५.०१ वाजता जारी करण्यात आलेल्या ट्विटमध्ये गाडी क्र. १९००५/ १९००६ सुरत- भुसावळ एक्सप्रेस ही गाडी दि. १३ जून पासून पर्ववत सुरू करण्यात येणार असल्याचे घोषित केले आहे.
पूर्वीच्या गाडी क्र. ५९०१३/५९०१४ सुरत -भुसावळ या गाडीला एक्सप्रेसचा दर्जा देण्यात आल्यामुळे या गाडीच्या क्रमांकात बदल करण्यात आला असून आत ही गाडी १९००५/१९००६ सुरत भुसावळ एक्सप्रेस या नावाने ओळखली जाणार आहे.
सुरतहून रात्री ११.१० वाजता सुटणार एक्सप्रेस ही गाडी १३ जून रोजी रात्री ११.१० वाजता सुरत स्थानकातून सुटेल. त्यानंतर उधना ११.२०, बारडोली ११.५८, व्यारा मध्यरात्री १२.३१, नंदुरबार २.४०, दोंडाईचा ३.३०, शिंदखेडा ३.५९, नरडाणा ४.१८, अमळनेर ५.३, धरणगाव ५.४७, पाळधी ६.४०, जळगाव ७.१०, भुसावळ ७.५५ वाजता पोहोचेल.
गाडी क्रमांक १९००६ भुसावळ-सुरत पॅसेंजर ही गाडी १४ जूनपासून सायंकाळी ७.३५ वाजता भुसावळ रेल्वे स्थानकातून सुटेन. त्यानंतर जळगाव येथे रात्री ८.१०, पाळधी ८.३०, धरणगाव ८.५९, अमळनेर ९.३३, नरडाणा १०.१६, शिंदखेडा १०.५०, दोंडाईचा ११.१८, नंदुरबार १२.२५, व्यारा २.३१, बारडोली ३.४३, उधना ४.३५, सुरत पहाटे ५.१५ वाजता पोहोचेल.
