नंदूरबार l प्रतिनिधी
नंदुरबार येथील आनंद योग नॅचरोपॅथी हॉस्पिटल येथे मशरूम शेती औद्योगिक ट्रेनिंग सेंटरचे उद्घाटन करण्यात आले.
यावेळी मशरूम शेती बद्दल व मशरूम पासून बनणारे व्यंजने व त्याचे फायदे याबाबत मशरूम शेतीचे मार्गदर्शक राजेंद्र वसावे यांनी माहिती दिली.यावेळी ते म्हणाले की,
प्रत्येक गावात मशरूम शेतीद्वारे ताजे व सुकवलेले मशरूम शहराच्या ठिकाणी मशरूम पासून वेगवेगळे व्यंजने बनवणारे शाखा फ्रॅंचायजी मॉडेलला विक्री करून एक चांगला रोजगार गावात व शहरात तयार होणार आहे.
सुशिक्षित नागरिक नोकरीच्या मागे न लागता व्यवसायिक क्षेत्रात पाऊल टाकून आर्थिक स्थिती सुधारू शकतात. कमी खर्चात होणारी मशरूम शेती गावातील व शहरातील लोकांना चांगला रोजगार उपलब्ध देऊ शकते असे राजेंद्र वसावे यांनी सांगितले.
या कार्यक्रमात उपस्थित असलेल्या मान्यवरांना मशरूम पासून तयार केलेले प्रोटीन पावडर, मशरूम शुगर पावडर, मशरूम आचार, मशरूम पापड, मशरूम नानखटाई, मशरूम खाकरा देण्यात आला.
जिल्ह्याभरात मशरूम शेतीसाठी प्रेरणा देणाऱ्या लीलाताई वसावे व किर्ताताई वसावे यांना मशरूम शेतीचे प्रमाणपत्र कार्यक्रमाचे अध्यक्ष सेवानिवृत्त सेल टॅक्स अधिकारी मुंबई भगतसिंह पाडवी, अभिनेता श्रीकृष्ण शिरोडकर, श्रीकृष्ण बागले, डॉ. किंजल बागले, श्रीमती इंदूमती वसईकर, रेखारामजी चौधरी ईश्वरसिंग,
माविमच्या कांता मिश्रा, ॲड. देसाई, डॉ. नरेश पाडवी, डॉ. चंद्रशेखर वसईकर, डॉ. उपेंद्रकुमार शहा, अनिल जावरे, प्रयोगशील शेतकरी जयसिंग माळी, आयुर्वेदाचार्य डॉ. बी.आर.पटेल राहुल बागले या मान्यवरांच्या हस्ते प्रमाणपत्र वाटप करण्यात आले.या कार्यक्रमात गुजरात महाराष्ट्र राजस्थान राज्यातील नागरिकांनी हजेरी लावली होती.
