तळोदा ! प्रतिनिधी
रेशनच्या माल काळया बाजारात घेवून जाणाऱ्या गाडीस तळोदा तालुक्यातील अक्रानी येथील गावकऱ्यांनी पकडून महसूल प्रशासनाचा स्वाधीन केली.पुरवठा विभागाने चौकशी केल्या नंतर मालासह गाडी जप्त केली.त्यात रेशनिंगचे २३ हजार रुपयांचे गव्हाचे कट्टे आढळून आल्याने तळोदा पोलिसात दोन जणांविरुध्द गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनुसार, तळोदा तालुक्यातील अक्रानी येथील नागरिकांनी शुक्रवारी रात्री साडे बारा वाजे नंतर वाहन ( क्र. एम.एच.१७, ए. ए.११५३) ही गाडी शासकीय बारदान मधून ५० किलो वजनाचे गव्हाचे कट्टे अक्राणी येथून खामला गावाकडे जात असताना दिसून आली.तेव्हा गावकऱ्यांनी देखील वाहनचालक यास गाडी थांबविण्याचे सांगितले परंतू त्याने थांबविण्यास नकार दिला.त्यामुळे गावकऱ्यांनी ही तिचा पाठलाग केला. वाहनचालक कालुसिंग वळवी याने वेगात वाहन चालवत असताना त्याचाही गाडीवरील ताबा सुटला.शेवटी ही गाडी गावापासून जवळच असलेल्या दरीत अडकली.त्यानंतर गावकऱ्यांनी सकाळी महसूल प्रशासनास ही माहिती दिली.पुरवठा शाखेचे निरीक्षक संदीप परदेशी यांनी घटना स्थळी भेट देवून गाडीतील मालाची खात्री केली.त्यात रेशनिग चा माल असल्याचे आढळून आले.गाडीत २३ हजार रुपये किमतीचे साडे अकरा क्विंटल रेशनिंग चे गहू होते.महसूल प्रशासनाने मलासह गाडी जप्त केली आहे.पुरवठा निरीक्षक संदीप परदेशी यांच्या दोघांविरुद्ध तळोदा पोलिस ठाण्यात गुन्हा दाखल करण्यात आला आहे.दरम्यान वाहनचालक काळूसिंग वळवी हा वाहन सोडून फरार झाला आहे. अक्रानी येथील रेशन दुकानं हे गावातीलच महिला बचत गटाच्या मार्फत चालविण्यात येत आहे.सदर घटनेच्या पार्श्वभूमीवर पुरवठा विभागाचे पुरवठा निरीक्षक संदीप परदेशी यांनी दुकानास त्याच दिवशी भेट दिली होती.त्यावेळी दुकानदार रमाकाबाई रमेश ठाकरे यांनी तपासणी कामी दप्तर उपलब्ध करून देण्यास स्पष्ट नकार दिला होता.त्यामुळे प्रशासनास दप्तर तपासणी करता आले नसल्याचे सांगण्यात आले.
