नंदुरबार l प्रतिनिधी
युवारंग युवक महोत्सवाचा तिसर्या दिवशी खुला रंगमंच क्र १ वर विविध कॉलेजच्या विद्यार्थ्यांनी विविध समुह लोकनृत्य सादर केले.एकापेक्षा एक सरस कार्यक्रम सादर केले.यात वारकरी दिंडी, डलखाई संबळपुरी, हरीयानवी नृत्याची धूम पाहायला मिळाली.नृत्य सादर करीत असताना विविध भावनिक कथांचा सांगड घालीत मनाला स्पर्श करणारे नृत्य सादर केले. दरम्यान काळ्यो कुद पड्यो मेळे मे, सायकल पंक्चर कर ल्यायो, दो दिन ढब जा रे डोकरिया, छोरी म्हारी वाजारियो काढे या राजस्थानी कालबेलिया नृत्याने रसिकांचे लक्ष वेधले.
खुला रंगमंच क्र.१ वर (स्वा.से.अण्णासाहेब पी.के.पाटील रंगमंच) समुह लोकनृत्य या कला प्रकारात २६ संघांनी आपला सहभाग नोंदवत भलरी, पावरा नृत्य, शिबली नृत्य, आदिवासींच्या डोंगरातील देवाला प्रार्थना करणारे नृत्य, बंजारा नृत्य, टिपरी नृत्य, राजस्थानी नृत्य, बधाई नृत्य, कोळी नृत्य, खंडेरायाचा गोंधळ, भवाई नृत्य, जोगवा, पराईअट्टम नृत्य, आदिवासी पावरा लगीन नृत्य, डांगी नृत्य, दालखाई नृत्य, हरीयानवी नृत्य, दिंडी नृत्य या समुह लोकनृत्यांचे सादरीकरण केले. ढोल, नगारा, बासरी, पावरी, डफ, तारी, घुंगरूमाळ या वाद्यांचा अत्यंत कलात्मकतेने केलेल्या वापरामुळे आणि नृत्यासाठी विविध प्रांतातील लोककलेसाठी अभिप्रेत असलेले पोषाख काठेवाडी, गुजराती, आदिवासी, भिल्ल, नऊवारी, धोती-कुर्ता परिधान केले होते त्यामुळे प्रत्येक नृत्याने लक्ष खिळवून ठेवले.
आदिवासी नृत्याने रंगमंच गजबजला
आदिवासी संस्कृतीवर आधारित नृत्य प्रकार या रंगमंचावर संपन्न झाला. यामध्ये वापरले जाणारे विविध साहित्यांचा वापर याप्रसंगी दिसला. जे वाद्य आणि संस्कृतीचे दर्शन होळी, दिवाळी, यात्रा आणि लग्न समारंभामध्ये दिसत असतो तसाच इथं ही दिसला. आदिवासी संस्कृतीच्या विविध प्रकारच्या पारंपारिक रूढी परंपरांचे दर्शन घडून येते त्यांची वेशभूषा रंगभूषा राहणीमान त्यांची नृत्य इत्यादी पद्धतीचे प्रकटन सदर उपकला प्रकारातून होतांना दिसून आले. यामध्ये ढोल, शिबली, तुतारी सिटी इत्यादी साहित्याचा वापर करण्यात आले. दरम्यान यावेळी वारकरी दिंडी विद्यार्थ्यांनी सादर केली.तर पि.के.कोटेजा महाविद्यालय भुसावल येथील हरियानवी नृत्य सादर केले.सदरच्या विद्यार्थींनी गेल्या २० दिवसंापासुन या नृत्याची तयारी करीत होत्या. हे नृत्य त्यांनी स्वताह बसवले हे विषेश यात लग्नाआधि प्रियकरा सोबतचा नटखट पणा व लग्नानंतर आलेल्या जबाबदारीनंतर घरच्यांचे वागने याबाबी नृत्यातुन मांडुन त्यांनी प्रेक्षकांचे मने जिंकली.यावेळी पच्छिम ओरीसा मधील डलखाई संबळपुरी नृत्याने वाहवा मिळवली.
काळ्यो कुद पड्यो मेळे मे, सायकल पंक्चर कर ल्यायो, दो दिन ढब जा रे डोकरिया, छोरी म्हारी वाजारियो काढे या राजस्थानी कालबेलिया नृत्याने रसिकांचे लक्ष वेधले. कोणत्याही आनंदाच्या प्रसंगी सादर होणारे कालेबेलिया नृत्य हा राजस्थानीं संस्कृतीचा अविभाज्य भाग आहे. त्याच्याशी निगडित हे गाणे त्यांच्यासाठी हे नृत्य म्हणजे अत्यंत अभिमानाची बाब आहे. हे नृत्य बदलत्या सामाजिक-आर्थिक परिस्थितीशी सर्जनशील रूपांतराचे एक उत्कृष्ट उदाहरण आहे. ही जमात राजस्थानच्या ग्रामीण भागात वसलेली आहे. या नृत्यात वेशभूषातील कपडे हे काळ्या आणि लाल रंगाच्या मिश्रणाने बनवले असतात आणि त्यात भरतकाम केलेले असते. काळ्या व लाल रंगाचा घागरा या नृत्यात प्रमुख असून ती एक वेशभूषा आहे आणि ते नृत्य करतांना फिरतो. शरीराच्या वरच्या भागात परिधान केलेल्या कपड्याला अंगरखा म्हणतात, डोके वरून झाकलेले असते आणि खालच्या भागात लेहेंगा घातला जातो. सदर नृत्य लोक कथा वर आधारित असून होळी च्या विशेष वेळेस कालबेलिया नृत्य केला जात असतो.
रंगमंच क्र.१ स्वातंत्र सेनानी अण्णासाहेब पी.के.पाटील रंगमंच:- डॉ.डी.एम.पाटील, डॉ.एस.के.तायडे, प्रा.एस.पी.जोशी, डॉ.ए.एच.जेबानपुत्रा, श्रीमती विणा पाटील, सौ.सुनिता एम.पाटील, प्रा.उमेश यु.पाटील, प्रा.मिलिंद जे. पाटील, प्रा.एन.डी.पाटील, प्रा.प्राची दुसाणे, प्रा.अमृता पाटील, प्रा.आकाश जैन, प्रा.अमित धनकाणी, प्रा.लक्ष्मी धनकाणी, प्रा.जागृती पवार, डॉ.भरत चौधरी हे रंगमंचाची जबाबदारी सांभाळत आहेत.