म्हसावद l प्रतिनिधी
शहादा तालुक्यातील सारंगखेडा येथील अशोक नथ्थु पाटील यांना शिंगवे येथे महानुभव रत्न पुरस्कार देऊन सन्मान करण्यात आला .महानुभव पंथात दानशूर वृत्तीद्वारे कार्य केल्याबद्दल दत्तराज बाबा चिरडे यांचा हस्ते पुरस्कार देण्यात आला .
नाशिक जिल्हयातील श्रीदत्त शिंगवे येथील दत्त मंदिर ट्रस्ट व नांदगाव , चांदवड तालुका महानुभव समिती मार्फत आयोजीत श्री . दत्तबर्दी सेवा आश्रम उद्घाटन व संगीत श्रीमद भागवत कथा ज्ञानयज्ञ सोहळा निमित्त २०२२ महानुभव रत्न पुरस्कार सारंगखेडा येथील वन विभागाचे निवृत्त अधिकारी अशोक नथ्थू पाटील यांना देण्यात आला . दत्तवर्दी सेवा आश्रमाचे संचालक दत्तराज बाबा चिरडे यांच्या हस्ते पुरस्काराने सन्मानित करण्यात आला . यावेळी ज्योतीताई चिरडे उपस्थित होते . अशोक पाटील यांनी दानशुर वृत्तीने महानुभव पंथाची राज्यभरात स्थांनाचे , मंदिराचे , आश्नमांचे जिर्नोध्दार कार्यात मदत केली आहे , धर्मकार्यात अग्रेसर राहून , साधू . संताची सेवा कार्य केले आहे आदी उल्लेखनिय कार्य केल्याबद्दल . त्या कामाची दखल घेत त्यांना महानुभव रत्न पुरस्कार प्रदान करण्यात आला . पुरस्कार मिळाल्याबद्दल सारंगखेडा दत्त मंदिर संस्थांन , जिल्हा परिषदेचे माजी उपाध्यक्ष जयपालसिंह रावल , सातपुडा साखर कारखान्याचे चेअरमन दिपक पाटील यांनी कौतूक केले आहे .
