नंदुरबार | प्रतिनिधी
अक्कलकुवा येथील पोलीस ठाण्यात विनापरवानगी शुटींग केल्याप्रकरणी एकाविरूध्द गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, अक्कलकुवा पोलीस ठाण्यात पोलीस जबाब नोंदवित असतांना धडगांव तालुक्यातील कुंडील येथील शरद पाडवी हा अक्कलकुवा पोलीस ठाण्यात विना परवानगी प्रवेश करून पोलीस जबाब नोंदवित असतांना त्यांच्या मोबाईलमध्ये कामकाजाची गुप्तपणे विनापनगी रेकार्डंनिंग करून शासकीय कामाची शांतता भंग केली. म्हणून पोलीसांनी त्याच्या ताब्यातून ३ हजार रूपये किंमतीचा मोबाईल फोन जप्त केला असून अक्कलकुवा पोलीस ठाण्यात पोशि अश्विन ठाकरे यांच्या फिर्यादीवरून शरद भिलाडया पाडवी रा.कुंडील (ता.धडगांव) याच्याविरूध्द गुन्हा दाखल करण्यात आला आहे. याप्रकरणी पुढील तपास पोउनि रूपाली महाजन करीत आहेत.
