नंदुरबार जिल्हा बाल विवाह मुक्त करण्यासाठी जागृती रथास मान्यवरांकडून हिरवी झेंडी
नंदुरबार l प्रतिनिधी-
जस्ट राइट फॉर चिल्ड्रन्स च्या माध्यमातून सेंटर फॉर ऍग्रीकल्चर अँड रूरल डेव्हल्पमेंट (CARD) च्या पुढाकाराने नंदुरबार जिल्ह्यात सुरू असलेल्या 100 दिवसाचे अभियान अंतर्गत बाल विवाह मुक्तरथ चा शुभारंभ जिल्ह्याचे खासदार ॲड.गोवाल पाडवी, आमदार आमशा पाडवी, जिल्हाधिकारी डॉ.मिताली सेठी,मुख्य कार्यकारी अधिकारी नमन गोयल,जिल्हा महिला व बालकल्याण अधिकारी संजय पाटील, जिल्हा विधी सेवा प्राधिकरण चे सदस्य सचिव न्यामूर्ती महेंद्र पाटील या प्रमुख मान्यवरांच्या हस्ते 100 दिवसीय बालविवाह मुक्त भारत अभियान रथला हिरवा झेंडा दाखवून शुभेच्छा देण्यात आल्या..
जस्ट राइट फॉर चिल्ड्रन्स च्या माध्यमातून सेंटर फॉर ऍग्रीकल्चर अँड रूरल डेव्हल्पमेंट (CARD) च्या पुढाकाराने नंदुरबार जिल्ह्यात सुरू असलेल्या 100 दिवसाचे अभियान अंतर्गत बाल विवाह मुक्तरथ चा शुभारंभ मान्यवरांच्या हस्ते करून हा रथ संपूर्ण जिल्हाभरात फिरणार असून आश्रमशाळा, महाविद्यालय, ज्या गावात बाल विवाहाचे प्रमाण जास्त आहे.अशा गावामध्ये बालविवाह हा कायद्याचे गुन्हा आहे, बालविवाह बाबतीत माहिती १०९८ या क्रमांकावर कळवणे,विविध गाण्याच्या तसेच बालविवाह निर्मूलन पोस्टर,बालविवाह निर्मूलन शपथ या रथाच्या माध्यमातून जनजागृती करण्यात येणार आहे.
सदर या बालविवाह निर्मूलन रथावर जिल्हा महिला व बालविकास अधिकारी यांनी स्वाक्षरी करून शुभेच्छा दिल्या व या उपक्रमाबाबत जस्ट राइट फॉर चिल्ड्रन्स आणि कार्ड संस्थेचे कौतुक केले.
यावेळी भरत राणे जिल्हा बाल संरक्षण अधिकारी,सपना नगराळे,जिल्हा प्रकल्प समन्वयक चाईल्ड हेल्पलाइन,किशोर ढोले,पर्यवेक्षक भाग्यश्री पाटील केस वर्कर, जिल्हा विधी सेवा प्राधिकरण चे अधिकारी व कर्मचारी यांच्यासह कार्ड चे समन्वय नटवर वसावे, आरती अहिरे,संजू सोनवणे हे उपस्थित होते. नटवर वसावे यांनी बालविवाह मुक्त रथ जिल्ह्यामध्ये कशा पद्धतीने फिरणार आहे याची सविस्तर माहिती यावेळी देऊन रथ गावोगाव फिरत आहे .
