नंदुरबार l प्रतिनिधी-
श्रीमती के.पी.पाटील माध्यमिक विद्यालय व कनिष्ठ महाविद्यालय भालेर ता.जि.नंदुरबार येथे 26 जानेवारी 2025 प्रजासत्ताक दिन उत्साहात संपन्न झाला.
काकेश्वर विद्या प्रसारक संस्था भालेर संचलित दि. फ्युचर स्टेप्स इंग्लिश स्कूलचे ध्वजारोहण अमोल रावसाहेब पाटील यांच्या हस्ते करण्यात आले. व श्रीमती के.पी. पाटील माध्यमिक विद्यालय व कनिष्ठ महाविद्यालयाचे ध्वजारोहण ॲड. राहुल श्रीराम पाटील यांच्या हस्ते करण्यात आले
याप्रसंगी काकेश्वर विद्या प्रसारक संस्थेचे संस्थापक अध्यक्ष भास्करराव हिरामण पाटील, कार्याध्यक्ष विजय भास्करराव पाटील, उपाध्यक्ष चंद्रशेखर भास्करराव पाटील, सचिव भिका भाना पाटील, काकरदे येथील सरपंच राकेश माळी, भालेर ग्रामपंचायत सदस्य सौ. कविता चंद्रशेखर पाटील, सौ शोभा प्रल्हाद पाटील, श्रीमती सुमनबाई वल्लभ पवार, उमरदे येथील सकाळ पेपर चे पत्रकार शांताराम पाटील, शालेय समितीचे विद्यमान सदस्य,संस्थेचे हितचिंतक भालेर ,नगाव ,तिसी, काकर्दे येथील ग्रामस्थ उपस्थित होते.कार्यक्रमास आपल्या पाल्याचे कार्यक्रम पाहण्यासाठी मोठ्या संख्येने पालक व महिला उपस्थित होत्या.
26 जानेवारी 2025 प्रजासत्ताक दिनाच्या निमित्ताने शाळेत सांस्कृतिक कार्यक्रमाचे आयोजन करण्यात आले होते.याप्रसंगी कार्याध्यक्ष विजय भास्कर पाटील यांनी सांस्कृतिक कार्यक्रमाची दीप प्रज्वलन करून उद्घाटन केले.प्राचार्या सौ. विद्या चव्हाण यांनी संस्थेचा,शाळेचा व दि. फ्युचर स्टेप इंग्लिश स्कूलच्या उज्ज्वल यशाचा व प्रगतीचा आलेख प्रास्ताविकातून सर्वांच्या समोर सादर केला. दि.फ्युचर स्टेप इंग्लिश स्कूल भालेर येथील ज्युनिअर केजी,सिनियर केजी, व पहिलीच्या विद्यार्थ्यांनी आपल्या भाषणातून प्रजासत्ताक दिनाच्या शुभेच्छा दिल्या.
इयत्ता पाचवी ते बारावीच्या विद्यार्थ्यांनी सांस्कृतीक कार्यक्रमातून देशभक्तीपर गीते ,नाटिका ,समाज प्रबोधन नाटिका ,सादर केल्या तसेच छात्रालयातल्या विद्यार्थिनींनी आदिवासी नृत्य सादर केले. विविध परीक्षांमध्ये प्राविण्य मिळवलेल्या विद्यार्थ्यांना मेडल व प्रशस्तीपत्र संस्थेचे अध्यक्ष भास्करराव हिरामण पाटील यांच्या हस्ते देण्यात आले. आलेल्या पाहुण्यांनी विद्यार्थ्यांचे कौतुक केले व भरभरून बक्षीसांचा वर्षाव केला. कार्यक्रमाच्या यशस्वीतेसाठी पर्यवेक्षक ,प्राध्यापक प्राध्यापिका शिक्षक शिक्षिका व शिक्षकेतर कर्मचारी वृंद यांनी परिश्रम घेतले.
