नंदुरबार l प्रतिनिधी
येथील जिल्हा परिषदेच्या प्रशासकीय इमारतीच्या आवारात स्वच्छता ही सेवा अंतर्गत एक पेड मा के नाम या उपक्रमांतर्गत जिल्हा परिषदेच्या अध्यक्षा डॉ. सुप्रिया गावित यांच्या हस्ते वृक्षारोपण करण्यात आले. यावेळी जिल्हा परिषदेचे मुख्य कार्यकारी अधिकारी सावन कुमार उपस्थित होते.
नंदुरबार जिल्ह्यात दिनांक 17 सप्टेंबर ते दिनांक 2 ऑक्टोबर 2024 दरम्यान स्वच्छता ही सेवा उपक्रम सुरू आहे. या उपक्रमांतर्गत जनजागृतीसाठी विविध उपक्रमांचे आयोजन करण्यात आले असून यात श्रमदानातून सार्वजनिक ठिकाणी स्वच्छता, स्वच्छता प्रतिज्ञा,सफाई मित्र शिबिर, एक पेड मा के नाम हे उपक्रम गावापातळीवर सुरू आहेत.याच उपक्रमांतर्गत जिल्हा परिषदेच्या प्रशासकीय इमारतीच्या आवारात जिल्हा परिषद अध्यक्षा डॉ. सुप्रिया गावित यांच्या हस्ते वृक्षारोपण करण्यात आले.
याप्रसंगी मुख्य कार्यकारी अधिकारी सावन कुमार,बांधकाम व आरोग्य सभापती हेमलता शितोळे, अतिरिक्त मुख्य कार्यकारी अधिकारी प्रमोदकुमार पवार, जिल्हा ग्रामीण विकास यंत्रणेचे प्रकल्प संचालक राहुल गावडे उपमुख्य कार्यकारी अधिकारी पांडुरंग कोल्हे, उपमुख्य कार्यकारी अधिकारी जयवंत उगले,
जल जीवन मिशनचे प्रकल्प संचालक विवेक गुंड बांधकाम विभागाचे कार्यकारी अभियंता संजय पवार यांनी वृक्षारोपण केले. कार्यक्रम प्रसंगी जिल्हा पाणी व स्वच्छता मिशन कक्षाचे सर्व कर्मचारी उपस्थित होते.