नवापूर l प्रतिनिधी
नवापूर येथील गणपती मंदिराच्या मागील बाजूस रहिवासी परिसर आहे .नगर परिषद कार्यालयाच्या अगदी हाकेच्या अंतरावर गणपती मंदिर असून त्याच परिसरात नगराध्यक्षा हेमलता अजय पाटील यांचे निवासस्थान देखील आहे. त्यांच्या निवासस्थाना समोरिल परिसरात अतिक्रमण मोहीम राबविण्यात आल्याने शहरात खळबळ उडाली आहे.
शहरातील गणपती मंदिराच्या मागील बाजूस राहणाऱ्या नागरिकांनी आपल्या घरा समोर व घराच्या मागील बाजूस अनधिकृत बांधकाम केले असल्याची बाब येथील रहिवासी दिपेश पाटील यांनी पालिके च्या निदर्शनास आणून दिली होती.
दिपेश (बल्लू )पाटील यांनी राहत असलेल्या परिसरात अनधिकृत बांधकामा मुळे आपत्ती च्या वेळेस ह्या भागात ॲम्ब्युलन्स की अग्निशमन बम्ब वाहना ला जागा नसल्याने सदर चे अनधिकृत बांधकाम काढण्या साठी नगर परिषदे कडे गेल्या अनेक दिवसा पासून पाठ पुरावा केला व नगर परिषदे कडून सहकार्य मिळत नसल्याचे बघून त्यांनी अनेक वेळा आंदोलन उपोषण ही केले होते. त्या नंतर पालिके कडून जागेची पाहणी करत अनधिकृत असलेले बांधकाम तोडण्या साठी मोजणी करण्यात आली व लवकरच हे अतिक्रमण काढण्यात येईल असे आश्वासन उपोषण दरम्यान लेखी स्वरूपात दिले होते.
आश्वासन देऊन ही अतिक्रमण काढत नसल्याचे निदर्शनात आल्या नंतर अर्जदार दिपेश (बल्लू )पाटील यांनी जिल्हाधिकारी कार्यालय समोर उपोषणाचा इशारा दिला होता. त्याच पार्श्वभूमीवर मुख्याधिकारी स्वप्नील मुदलवाडकर यांनी पोलीस बंदोबस्तात अतिक्रमण काढण्याची कारवाई सुरू केली होती.
मुख्याधिकारी यांच्या अतिक्रमनावर करण्यात आलेल्या कारवाईने शहरात अतिक्रमण असलेल्या धनदांडग्याचे धाबे दणाणले आहे.यावेळी प्रशासकीय अधिकारी सतीष बागुल, न.पा बांधकाम अभियंता सचिन संदाशिव,अशोक साबळे,सचिन अग्रवाल,राहुल सिरसाठ,आदी उपस्थित होते. यावेळी कोणताही अनुचित प्रकार होऊ नये म्हणून सहायक पोलिस निरीक्षक निलेश वाघ यांच्या मार्गदर्शनाखाली उपनिरीक्षक अशोक मोकळ,पो हे का गणेश बच्छे,विकी वाघ,प्रमोद पाठक,ज्योती पोटे यांनी चोख बंदोबस ठेवला होता.
