नंदुरबार l प्रतिनिधी
अक्कलकुवा येथे पैसे देण्यास नकार दिल्याच्या रागातून फायटरने मारहाण केल्याप्रकरणी संशयितास अटक करण्यात आली आहे .
याबाबत पोलिस सूत्रांनी दिलेल्या माहितीनूसार , अक्कलकुवा येथील ईमरान हारुन बलोच यांच्याकडे मोहसिन रफिक मक्राणी यांनी १३ हजार रुपये मागितले . यावर इमरान बलोच यांनी मोहसिन मक्राणी यास तुझ्याकडे माझे ३० हजार रुपये घेणे असल्याचे सांगत पैसे देणार नसल्याचे सांगितले . याचा राग आल्याने मोहसिन मक्राणी याने इमरान बलोच यांना लोखंडी फायटरने मारहाण करीत दुखापत केली . तसेच त्यांच्या खिशातून १७ हजार रुपये जबरीने काढून पसार झाला . याबाबत इमरान बलोच यांच्या फिर्यादीवरुन अक्कलकुवा पोलिस ठाण्यात मोहसिन मक्राणी याच्याविरोधात भादंवि कलम ३९४ प्रमाणे गुन्हा दाखल करण्यात आला असून संशयितास अटक करण्यात आली आहे . पुढील तपास पोलिस उपनिरीक्षक सुरेश चौधरी करीत आहेत .
