नंदूरबार l प्रतिनिधी
नंदूरबार येथील एकाच्या भोणे शिवारातील शेतात वीज कनेक्शन घेण्यासाठी ३० हजाराची लाच मागून तडजोडी अंती २७ हजार ५०० रुपयांच्या लाचेची रक्कम स्वीकारताना खाजगी वायरमनला लाचलुचपत प्रतिबंधक विभागाच्या पथकाने अटक केली असून याप्रकरणी वीज वितरण विभागाच्या वायरमनला ही अटक करण्यात आली असून याप्रकरणी पोलीस ठाण्यात गुन्हा दाखल करण्याची प्रक्रिया सुरू होती.
याबाबत अधिक माहिती अशी की, यातील तक्रारदार यांच्या भोणे ता.नंदूरबार शिवारात शेत असून, शेतात वीज कनेक्शन घ्यावयाचे असल्याने तकारदार यांनी एम.एस.ई.बी. कार्यालय , नंदुरबार येथे ऑक्टोबर २०२१ मध्ये डिमांड नोट
मिळणेकरीता ऑनलाईन अर्ज केला होता . त्यानंतर तकारदार यांनी वारंवार एम.एस.ई.बी. कार्यालयाशी संपर्क साधला असता वायरमन अनिल मांगडु भोये यांनी खाजगी वायरमन देवा मराठे यांच्या मार्फत ३० हजार लाचेची मागणी करुन तडजोडीअंती २७ हजार ५०० रुपये त्यात १५ हजार रु . डिमांड नोटचे व १२ हजार ५०० रुपये लाचेची मागणी केली.
दरम्यान तक्रारदार यांनी याबाबत लाचलुचपत प्रतिबंधक विभागाला कळविले खाजगी वायरमन देवा मराठे यांनी २७ हजार ५०० रुपये पंच साक्षीदारांसमोर स्वीकारले.याप्रकरणी देवानंद ऊर्फ देवा पंडित मराठे ,खाजगी वायरमन , रा . रजाळे ता . जि.नंदुरबार व म.रा.वि.वि.कंपनीचे वायरमन
अनिल मांगडु भोये , रा . सिध्देश्वर नगर , कोकणीहिल , दुधाळे शिवार , ता . जि . नंदुरबार यांना ताब्यात घेण्यात आले असुन गुन्हा दाखल करण्याची प्रक्रिया सुरु आहे .
सदर कामगिरी पोलीस उपअधीक्षक राकेश आनंदराव चौधरी , पोलिस निरीक्षक समाधान महादु वाघ , पोलीस निरीक्षक श्रीमती माधवी एस . वाघ , पोहवा विजय ठाकरे , पोना /अमोल मराठे , पोना देवराम गावीत , नावाडेकर , पोना मनोज अहिरे , चापोना जितेन्द्र महाले अँन्टी करप्शन ब्युरो , नंदुरबार थकाने केली आहे .
भ्रष्टाचारासंबंधी काही माहिती असल्यास अगर लाच मागन्या लोवसेवकाबद्दल तकार असल्यास लाचलुचपत प्रतिबंधक विभाग , नंदुरबार कार्यालयास संपर्क करावा असे आवाहन पोलीस उपअधीक्षक राकेश आनंदराव चौधरी यांनी केले आहे.