नंदूरबार l प्रतिनिधी
प्रहार जनशक्ती पक्ष ( महाराष्ट्र राज्य ) अंगीकृत प्रहार अपंग क्रांती आंदोलनाच्य नंदुरबार जिल्हा सल्लागार पदी ॲड . दत्तात्रय कदमबांडे यांची निवड करण्यात आली असून जिल्हा अध्यक्ष नानाभाऊ शिंदे यांच्या हस्ते नियुक्तीचे पत्र नुकतेच देण्यात आले आहे .
राज्यात व जिल्ह्यात दिव्यांगांच्या न्याय व हक्कांसाठी उभी राहणारी , व दिव्यांगांचे प्रश्न सोडवणारे प्रहार क्रांती आंदोलनाचे कार्य जोमाने सुरु आहे . प्रहार दिव्यांगाना आधार देणारे व दिव्यांगांचे प्रश्न मार्गी लावणारे तसेच दिव्यांगांचे हित जोपासणारे संघटन असून अपंग क्रांती दलाच्या जिल्हा पदाधिकारी यांनी ॲड . दत्तात्रय कदमबांडे यांच्यावर जिल्हा सल्लागार पदाची मोठी जबाबदारी टाकून विश्वास दाखविला आहे . यापुढे प्रहार संघटनेच्या वाढीसाठी शासनाच्या दिव्यांगांसाठी असणाऱ्या योजना , रोजगार , समस्या तसेच दिव्यांग हितांची , जाणीव करून योग्य व न्याय्य मदत करण्याची जबाबदारी ॲड . कदमबांडे यांच्यावर राहणार आहे . अशी अपेक्षा प्रहार अपंग क्रांती आंदोलनाचे जिल्हा अध्यक्ष अध्यक्ष नानाभाऊ शिंदे सह पदाधिकारी यांनी केली आहे . सदर नियुक्ती व पुढील वाटचालीस ॲड . कदमबांडे यांना शुभेच्छा देण्यात आल्या.
