नंदुरबार l प्रतिनिधी
नंदूरबार शहरातील डी.आर. हायस्कूलमधील दोन विद्यार्थी कॉपी करतांना आढळून आल्याने नाशिक परीक्षा मंडळाच्या पथकाने त्यांच्यावर कारवाई केली.
राज्य माध्यमिक शिक्षण मंडळातर्फे दहावीच्या परीक्षा घेण्यात येत आहेत. कोरोना पार्श्वभूमीवर यावर्षी स्थानिक शाळांमध्येच परीक्षा उपकेंद्र आहेत. परीक्षा निरंक, कॉपीमुक्त वातावरणात पार पाडण्याच्या सूचना शिक्षण विभागातर्फे देण्यात आल्या आहेत. काल भूगोल या विषयाचा पेपर होता. यादरम्यान काल नाशिक परीक्षा मंडळाच्या पथकाने विविध परीक्षा उपकेंद्रांना भेटी दिल्या. परीक्षा मंडळाचे सहसचिव डॉ.राहूल चौधरी यांच्या पथकाने नंदुरबार येथील डी.आर. हायस्कूलच्या केंद्रावर भेट दिली असता दोन विद्यार्थ्यांकडे विषयाशी संबंधित झेरॉक्स आढळून आल्या. यामुळे त्यांच्यावर कॉपी केस करण्यात आल्याचे समजले आहे.