नंदुरबार l प्रतिनिधी
नंदुरबार लोकसभा मतदार संघाच्या खा.डॉ.हीना विजयकुमार गावित यांच्या पाठपुराव्याला यश आले असून तळोदा पालिकेच्या प्रभाग क्र.१ व ३ मध्ये मुलभूत सुविधा निर्माण करण्यासाठी तसेच विविध विकासकामे करण्यासाठी तब्बल पाच कोटी रुपयांचा निधी मंजूर झाल्याने आता प्रभागाचे रुप बदलणार आहे.यामुळे प्रभागातील भाजपा नगरसेवकांसह ग्रामस्थांमधून समाधान व्यक्त करण्यात येत आहे.
तळोदा पालिकेवर भाजपाची सत्ता आहे. सदर पालिकेतंर्गत येणाऱ्या प्रभाग क्रमांक एकमधील नगरसेवक रामानंद शिरीषकुमार ठाकरे व प्रभाग क्रमांक तीनमधील नगरसेविका बेबीबाई हिरालाल पाडवी यांचे सुपूत्र दीपक पाडवी यांनी प्रभागाच्या विकासासाठी तसेच मुलभूत सोयीसुविधा निर्माण करण्यासाठी निधी उपलब्ध करुन द्यावा अशी मागणी खा.डॉ.हीना गावित यांच्याकडे केली होती.याबाबत खासदार डॉ.हीना गावित यांना निवेदनही देण्यात आले होते. खा.डॉग़ावित यांनी याची दखल घेत नगरविकास मंत्री यांच्याकडे पाठपुरावा केला. ना.एकनाथ शिंदे यांनीही याची दखल घेत तळोदा पालिकेतील प्रभाग क्रमांक १ व प्रभाग क्र.३ मध्ये मुलभूत सोयीसुविधा निर्माण करण्यासाठी पाच कोटी रुपयांचा निधी मंजूर केला आहे. यामुळे या प्रभागांमधील प्रताप नगर, श्रेयस कॉलनी, गोपाळ नगर येथे रस्ता कॉंक्रिटीकरण व भूमिगत गटार तसेच अक्कलकुवा रोडवरील उत्तरेस आमराई फळी खर्डी नदीलगत संरक्षण भिंत बांधकाम करण्यात येणार आहेख़ा.डॉ.हीना गावित या गेल्या दीड ते दोन वर्षांपासून यासाठी पाठपुरावा करत होत्या. निधी मंजूर झाल्याने प्रभागांमध्ये मुलभूत सोयीसुविधा निर्माण होणार असल्याने प्रभागातील रहिवाशांमधून समाधान व्यक्त करण्यात येत आहे.निधी मंजूर केल्याने खा.डॉ.हीना गावित यांनी ना.एकनाथ शिंदे यांचे आभार व्यक्त केले आहेत.तर नगरसेवक रामानंद ठाकरे,नगरसेविका बेबीबाई पाडवी, दीपक पाडवी यांनीही खा.डॉ.हीना गावित यांचे आभार मानले आहेत.
