नवीदिल्ली येथे खा.डॉ.हीना गावित यांना मान्यवरांच्या हस्ते सहाव्यांदा संसदरत्न पुरस्कार प्रदान

नंदुरबार | प्रतिनिधी
नंदुरबार लोकसभा मतदार संघाच्या खा.डॉ.हीना गावित यांना संसदेतील विशेष कामगिरीसाठी प्राईम पॉईन्ट फाऊंडेशनतर्फे सन २०२२ चे संसदरत्न पुरस्कार नवीन महाराष्ट्र सदन नवी दिल्ली येथे मान्यवरांच्या हस्ते प्रदान करण्यात आला.तब्बल सहाव्यांदा सदर संस्थेच्यावतीने संसदरत्न पुरस्कार प्रदान करण्यात आला आहे.

प्राईम पॉईन्ट फाऊंडेशनतर्फे देशातील ११ खासदारांना संसदरत्न पुरस्कार जाहीर करण्यात आला होता. यामध्ये नंदुरबार लोकसभा मतदार संघाच्या खा.डॉ.हीना गावित यांचा समावेश आहे. खा.डॉ.हीना गावित यांना सदर संस्थेच्यावतीने सहाव्यांदा सदरचा पुरस्कार जाहीर करण्यात आला होता. संसद भवनात लोकसभा मतदार संघातील विविध प्रश्न, समस्या प्रभावीपणे मांडून त्याचे अभ्यासपूर्ण विवेचन करणार्‍या खा.डॉ.हीना गावित यांना सदरचा पुरस्कार आज दि.२६ मार्च २०२२ रोजी नवीन महाराष्ट्र सदन नवी दिल्ली येथे मुख्य निवडणूक आयुक्त भारत सरकार सुशील चंद्राजी, संसदीय कामकाज व संस्कृतीक मंत्री अर्जून राम मेघवाल यांच्या हस्ते नंदुरबार लोकसभा मतदार संघाच्या लोकप्रिय खा. डॉ. हिना विजयकुमार गावित यांना सहाव्यांदा संसदरत्न पुरस्काराने सन्मानित करण्यात आले.