नंदुरबार | प्रतिनिधी
नंदनगरीत वर्षानुवर्षे सुरू असलेल्या होलिकोत्सवातील जगदंबा देवी अवताराची मिरवणूक दोन वर्षाच्या खंडानंतर काल उत्साहात मिरवणूक निघाली. होळींना प्रदक्षिणा घालून ठिकठिकाणी दर्शन सोहळा झाला.यावेळी हजारो नागरिक उपस्थित होते.
नंदुरबार शहरात होलिकोत्सवानिमित्त रंगपंचमीला जगदंबा देवी अवतार मिरवणूक काढण्याची परंपरा आहे.गेल्या दोन वर्षात कोरोनामूळे मिरवणूक निघाली न्हवती. यावर्षी जगदंबा देवी अवतार मिरवणूक सोहळा मोठ्या उत्साहात मनवला गेला. सायंकाळी ६ वाजता शहरातील कै.भास्कराव जोशी यांच्या राहते घर कमानी दरवाजा येथून जगदंबा देवी मिरवणुकीला निघाली. ही मिरवणूक शिवाजी चौकातील होळीला प्रदक्षिणा घालून त्याठिकाणी दर्शन सोहळा झाला. त्यानंतर जळका बाजारातील पोष्ट गल्लीसमोर दर्शन सोहळा, जळका बाजार मुख्य चौकात दर्शन सोहळा, टिळक रोडवरील होळीला प्रदक्षिणा घालून त्याठिकणी दर्शन सोहळा सराफ बाजारातील फडके चौकात दर्शन सोहळा गुळवाडीजवळ दर्शन सोहळा शहरातील प्रथम मानाच्या असलेल्या बालाजीवाडयातील होळीला प्रदक्षिणा घालून बालाजी मंदिरसमोर दर्शन सोहळा, गणपती मंदिरात मध्यरात्री मिरवणुकीची सांगता झाली.यावेळी हजारो नागरिक उपस्थित होते.यावेळी पोलीस दलातर्फे मोठा पोलीस बंदोबस्त लावण्यात आला होता.
