नंदूरबार l प्रतिनिधी
दरोड्याचे गुन्ह्यातील 11 वर्षांपासुन फरार आरोपीस स्थानिक गुन्हे शाखेने निजामपुर येथून बेड्या ठोकल्या आहेत.
नाशिक परिक्षेत्राचे पोलीस उप महानिरीक्षक बी . जी . शेखर पाटील यांनी नाशिक परीक्षेत्रातील सर्व जिल्ह्यांमध्ये विविध गुन्ह्यांमध्ये गुन्हा घडलेपासून आज पर्यंत गुन्ह्यात फरार , पाहिजे किंवा फेर अटक आरोपीतांना अटक करणेबाबत संपूर्ण नाशिक परिक्षेत्रात दि. 3 मार्च 2022 रोजी पासुन फरार , पाहिजे व फेर अटक आरोपी अटक करण्याबाबत विशेष मोहीम राबविणेबाबत आदेशीत केले होते . त्याअनुषंगाने पोलीस अधीक्षक , नंदुरबार पी . आर . पाटील यांनी नंदुरबार जिल्ह्यातील सर्व पोलीस ठाणे व स्थानिक गुन्हे शाखेमधील पोलीस अधिकारी व पोलीस अमंलदार यांचे स्वतंत्र पथक स्थापन करुन नंदुरबार जिल्हा पोलीस दलाच्या सर्व पोलीस ठाण्यांच्या अभिलेखावरील जास्तीत जास्त फरार , पाहीजे आरोपी व फेर अटक आरोपी अटक करणेबाबत सुचना दिल्या होत्या . सन 2011 मध्ये नंदुरबार तालुका पोलीस ठाणे हद्दीत उमज गावाचे शिवारात फिर्यादी केरसन धेड्या नाईक यांच्या शेतातील घरावर अज्ञात 10 ते 12 लोकांनी फिर्यादी केरसन नाईक यांना मारहाण करुन दरोडा टाकुन कपाटातील 23 हजार रुपये रोख व 2 मोबाईल असा ऐवज जबरीने चोरुन नेल्यावरुन नंदुरबार तालुका पोलीस ठाण्यात भादवि कलम 395 397 प्रमाणे दरोड्याचा गुन्हा दाखल करण्यात आला होता . त्यावेळी सदर गुन्ह्याचा स्थानिक गुन्हे शाखेने तपास लावुन 2 आरोपी अटक करुन गुन्हा उघडकीस आणला होता . तसेच सदर गुन्ह्यातील इतर निष्पन्न आरोपी हे अटक झालेले नसल्याने गुन्हा घडल्यापासुन नंदुरबार तालुका पोलीस ठाण्याचे अभिलेखावरील पाहिजे , फरार व फेर अटक पाहिजे यादीमध्ये समाविष्ट होते . दि. 14 मार्च 2022 रोजी सदर गुन्ह्यातील पाहीजे आरोपी सरेशलाल उर्फ शेरीलाल पेरुलाल भोसले हा निजामपुर येथे येणार असल्याची गुप्त बातमी स्थानिक गुन्हे शाखेचे पोलीस निरीक्षक रविंद्र कळमकर यांना मिळाली होती .पोलीस अधीक्षक पी . आर . पाटील , अपर पोलीस अधीक्षक विजय पवार यांच्या मार्गदर्शनाखाली पोलीस निरीक्षक रविंद्र कळमकर यांनी सदर बातमीची खात्री करुन पाहीजे आरोपी अटक करण्यकामी स्थानिक गुन्हे शाखेचे पथक तात्काळ निजामपुर येथे रवाना केले . स्थानिक गुन्हे शाखेचे पथकाने निजामपुर गाठून तेथे सरेशलाल उर्फ शेरीलाल पेरुलाल भोसले याचा शोध घेण्यास सुरुवात केली . परंतु सदर आरोपी हा अत्यंत चालाख असुन पोलीसांना वेळोवेळी गुंगारा देत आला आहे . तो सहज कोठे बाहेर येत नाहीत व आपले अस्तीत्व लपवून वेषांतर करुन फिरतो त्यामुळे त्यास ओळखणे देखील कठीण होते . नमुद आरोपी हा एका गॅरेजवर असल्याचे पथकास निदर्शनास आल्याने पथकाने गॅरेजचे बाहेर सापळा लावला . आरोपी गॅरेजचे बाहेर येत असतांना त्यास पोलीस आल्याचा संशय आल्याने त्याने तेथुन पळ काढण्याचा प्रयत्न केला . परंतु पथकाने लावलेला सापळा मजबुत असल्याने त्यास पळुन जाता आले नाही व तो सापळ्यात अडकला . त्यास पथकाने ताब्यात घेऊन पुढील तपासकामी नंदुरबार तालुका पोलीस ठाण्यात हजर केले आहे . सदरची कामगिरी पोलीस अधिक्षक पी. आर . पाटील , अपर पोलीस अधिक्षक विजय पवार यांच्या मार्गदर्शनाखाली स्थानिक गुन्हे शाखेचे पोलीस निरीक्षक रविंद्र कळमकर , पोलीस हवालदार सजन वाघ , प्रमोद सोनवणे , मुकेश तावडे , पोना विशाल नागरे यांचे पथकाने केली . 11 वर्षांपासुन पाहीजे असलेल्या दरोड्याचे गुन्ह्यातील आरोपीस गुप्त बातमीचे आधारे स्थानिक गुन्हे शाखेचे पथकाने निजामपुर येथे सापळा लावुन अटक केल्याने पोलीस अधीक्षक , पी . आर . पाटील यांनी संपुर्ण पथकाचे विशेष अभिनंदन केले आहे . तसेच पोलीस अधिक्षक पी . आर . पाटील , अपर पोलीस अधिक्षक विजय पवार यांच्या मार्गदर्शनाखाली नंदुरबार जिल्ह्यात फरार व पाहीजे आरोपी पकडण्याच्या विशेष मोहीमेत स्थानिक गुन्हे शाखा , नंदुरबार यांनी एकूण 20 आरोपींना नंदुरबार जिल्ह्यातुन तसेच शिरपुर , मालेगाव येथुन ताब्यात घेऊन गुन्ह्याचे तपासकामी संबंधीत पोलीस ठाण्यात हजर केले आहे .
