नंदूरबार l प्रतिनिधी
अंकलेश्वर – बऱ्हाणपूर महामार्गावरील कौली गावालगत एका ढाब्यात अनधिकृतपणे बायोडिझेल विक्री केल्याप्रकरणी दोघांविरुद्ध गुन्हा दाखल करण्यात आला आहे.
पोलीस सूत्रांनी दिलेल्या माहितीनुसार अंकलेश्वर बऱ्हाणपूर महामार्गावरील कौली गावात हरियाणा ढाब्यावर बेकायदेशीर आणि जीवितहानी होईल या पद्धतीने बायो डिझेल विक्री करण्यात येत होती. यावेळी पुरवठा विभागाने केलेल्या कारवाईत 36 हजार 500 रुपये किमतीचे 50 लीटर अनधिकृत बायोडिझेल हस्तगत करण्यात आले. याबाबत पुरवठा निरीक्षक लोटन धनगर यांनी फिर्याद दिली. त्यानुसार करीम भीमा आणि गुमासिंग पाडवी या दोघांविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक डी.जे. बडगुजर करीत आहे.
