नंदुरबार l प्रतिनिधी
बिलाडी रोड ईदगाह मैदान परिसरात असलेल्या फायर बटावर 3 जानेवारी ते 12 जानेवारी 2022 या कालावधीसाठी गोळीबार सराव घेण्यासाठी परवानगी देण्यात आली होती. या कालावधीत गोळीबार सराव पुर्ण होणे शक्य नसल्याने 13 व 14 जानेवारी, 2022 या दोन दिवसाची मुदतवाढ देण्यात आल्याचे आदेश जिल्हादंडाधिकारी मनीषा खत्री यांनी दिले आहेत.
वरील कालावधीत जिल्हा पोलीस दलाचे आस्थापनेवरील पोलीस अधिकारी व पोलीस कर्मचाऱ्यासाठी गोळीबार सराव घेण्यात येणार असल्याने पोलीस अधिकारी-कर्मचारी यांचे व्यतिरिक्त प्रतिबंधीत क्षेत्रात वरील कालावधीत कोणालाही प्रवेश करता येणार नाही. परिसरात कायदा व सुव्यवस्था अबाधित राहील तसेच जिवित अथवा वित्तहानी होणार नाही याची दक्षता घ्यावी, असेही जिल्हादंडाधिकारी श्रीमती. खत्री यांनी आदेशात नमुद केले आहे.
