नंदूरबार व शहादा येथून तीन दुचाकी लंपास

नंदूरबार l प्रतिनिधी
नंदुरबार शहरातील नेहरु पुतळाजवळून एक तर शहादा शहरातून दोन अशा तीन दुचाकी चोरट्यांनी लंपास केल्या.याप्रकरणी पोलिस ठाण्यात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार येथील गोकुळ उर्फ भगवान महारु कुवर यांच्या मालकीची दुचाकी (क्र.एम.एच.१८ एई५१४५) नेहरु पुतळ्याजवळून चोरट्याने लंपास केली. तसेच शहादा तालुक्यातील पुसनद येथील राजेंद्र रघुनाथ कोळी यांच्या मालकीची दुचाकी (क्र.एम.एच.३९ एल ३९०६) शहादा भाजी मार्केट येथून चोरट्याने लंपास केली. तर शहादा येथील भिलू रतिलाल जांभळे यांच्या मालकीची दुचाकी (क्र.एम.एच.३९ एस ५६५०) शहादा शहरातील पीडब्ल्यूडी ऑफिसमोरील एका दुकानाजवळून चोरट्याने लंपास केली. याबाबत संबंधित पोलिस ठाण्यात अज्ञातांविरोधात तीन वेगवेगळे गुन्हे दाखल करण्यात आले आहेत.