नवापूर l प्रतिनिधी
नवापूर शहरात अवैधरित्या गोमांस विक्री केल्याच्या तक्रारी पोलिस विभागाला प्राप्त झाल्या होत्या. या माहितीच्या आधारावर नवापूर शहरातील कसाईवाडा भागात पोलीस पथकाने अवैधरित्या गोमांस विक्री करणाऱ्या साजिद कुरेशी याला अटक करत त्याच्या जवळील अवैध रित्या बाळगलेले गोमांस जप्त केले आहेत.
सविस्तर वृत्त असे की नवापूर शहरातील कसाईवाडा भागात अवैधरीत्या गोमांस विक्री होत असल्याची गुप्त माहिती, नवापूर पोलीस विभागाला प्राप्त झाली होती त्या अनुषंगाने पोलीस निरीक्षक बाळासाहेब भापकर यांच्या मार्गदर्शनाखाली पोलिस उपनिरीक्षक अशोक मोकळ, जगदीश सोनवणे, पोलिस हेड कॉन्स्टेबल निजाम पाडवी, पोलीस हेड कॉन्स्टेबल दिलबर पावरा, पोलीस हेड कॉन्स्टेबल विकास पाटील, चालक किशोर वळवी, पशु वैद्यकीय अधिकारी डॉक्टर अशोक वळवी, नवापूर नगरपालिकेचे आरोग्य कर्मचारी धनंजय शिंदे यांच्यासह पथकाने सदर ठिकाणी छापा टाकत साजिद कुरेशी याच्या जवळील साठ किलो वजनाचे 7 हजार रुपये किमतीचे गोमांस जप्त केले आहे. या प्रकरणी नवापूर पोलीस ठाण्यात पोलीस हेडकॉन्स्टेबल विकास पाटील यांच्या फिर्यादीवरून साजिद कुरेशी याविरोधात महाराष्ट्र प्राणी संरक्षण अधिनियम कलम ५ (अ) ५ (क) ९ ९ (अ) प्रमाणे गुन्हा दाखल करण्यात आला आहे पुढील तपास हवालदार युवराज परदेशी करीत आहे.
