नंदूरबार l प्रतिनिधी
नंदुरबार येथील समस्त आदिवासी पावरा समाज मंडळातर्फे आज २६ डिसेंबर रविवार रोजी वार्षिक स्नेह संम्मेलन (मेळावा) आयोजित करण्यात आला आहे. या वार्षिक स्नेह संम्मेलन (मेळावा) कार्यक्रमास सर्व समाज बांधवांनी वेळेवर पारंपारीक वेशभूषा परिधान करून उपस्थित रहावे. कार्यक्रमात कोरोना प्रादुर्भाव लक्षात घेता प्रशासनाने निर्गमित केलेल्या सर्व नियमांचे काटेकोर पालन केले जाईल, अशी माहिती आदिवासी पावरा समाज मंडळाचे डॉ.मनोज पावरा यांनी दिली आहे.
येथील याहा मोगी माता मंदीर, नवापूर चौफूली येथे सकाळी १०.०० वाजता होत असलेल्या या वार्षिक स्नेह संम्मेलन (मेळावा) साठी शासकीय नौकरी, व्यापार व इतर व्यवसायानिमित्त नंदुरबार शहर व परिसरात वास्तव्यास असलेले तसेच शहादा, तळोदा व धुळे येथिल जवळ पास १०० आदिवासी पावरा बांधवांचे कुटुंबियांची उपस्थिती अपेक्षीत आहे. ज्यामध्ये प्रामुख्याने पावरा समाजातील विविध शासकीय विभागात सद्या कार्यरत असणारे अधिकारी व कर्मचारी, सेवा निवृत्त वरीष्ठ अधिकारी व कर्मचारी तसेच इतर खाजगी क्षेत्रात कामकाज करणारे पावरा समाज बांधवांचा समावेश राहिल. कार्यक्रमात सहभागी होणारे प्रत्येक पुरूष, महिला व लहान मुले हे आदिवासी पावरा समाजाची पारंपारीक वेशभूषा परिधान करून सहभागी होणार आहेत. त्यामुळे आदिवासी पावरा समाजातील पारंपारीक जीवनशैली व संस्कृतीचे प्रतीक स्वरूपात प्रदर्शन दिसून येईल. आयोजित कार्यक्रमात प्रामुख्याने आदिवासी पावरा समाजातील कुटूंबीयांची ओळख-पाळख, बाहेर गावाहून आलेले, तसेच समाज मंडळाचे वरीष्ठ सभासद, व नवीन सभासद झालेल्या समाज बांधव व भगिनींचे स्वागत, पारंपारिक पावरा बोलीभाषेतून एकमेकांशी संवाद साधून सांस्कृतीक विचारांची देवाण-घेवाण करणे, पारंपारीक आदिवासी नृत्य-संगीत, लहान मुलांसाठी चित्रकला स्पर्धा, कार्यक्रमाच्या शेवटी स्नेह-भोजन या प्रकारे रूपरेषा आयोजकांमार्फत आखण्यात आली आहे.
