नंदूरबार l प्रतिनिधी
छत्रपती शिवाजी महाराजांच्या पुतळ्याची विटंबना करणार्यांवर कठोर कारवाई करण्याची मराठा समाजातर्फे मागणी करण्यात आली आहे.
कर्नाटक राज्यातील बंगळूर येथे महाराष्ट्राचे आराध्य दैवत छत्रपती शिवाजी महाराज यांच्या पुतळ्याचे काही समाजकंटकांनी विटंबना केली. या घटनेमुळे देशातील व महाराष्ट्रातील तमाम शिवप्रेमी समाजातील लोकांच्या भावना तीव्र स्वरूपात दुखावले आहेत त्यामुळे समस्त मराठा समाज या घटनेचे तीव्र स्वरूपात निषेध व्यक्त करत असून या घटनेतील आरोपींना कठोरात कठोर शासन करावे अशी मागणी मराठे पंचमढी नंदुरबार व मराठा क्रांती मोर्चा नंदुरबार यांच्या वतीने करण्यात आली आहे .जर आरोपींना त्वरित कठोर शासन झाले नाही तर मराठा पंचमढी नंदुरबार व मराठा क्रांती मोर्चा नंदुरबार पुढील काळात तीव्र आंदोलन उभे करेल असे निवेदनाद्वारे कळविण्यात आले आहे .सदर प्रकरणाचे निवेदन शहर पोलीस निरीक्षक यांना देण्यात आले आहे. यावेळी माजी उपनगराध्यक्ष शाम मराठे, रमेश मराठे ,भगवान मराठे, श्रावण मराठे, गोरख मराठे, कैलास मराठे ,प्रवीण मराठे, प्रकाश जगताप,नितीन जगताप,भुपेश मराठे, जयराम मराठे, प्रल्हाद मराठे, किरण गवळी आदी उपस्थित होते.
