नंदुरबार | प्रतिनिधी
नंदुरबार पोलीस दलातर्फे २५ जागांसाठी दि.१७ डिसेंबर रोजी मैदानी चाचणी घेण्यात आली होती. यात ३०४ उमेदवारांपैकी २१८ उमेदवार उपस्थित होते.दरम्यान मैदानी चाचणीकरीता पात्र ठरलेले २१८ उमेदवारांचे मैदानी चाचणी गुणपत्रक प्रसिद्ध करण्यात आले आहेत.
नंदुरबार जिल्हा पोलीस दलाच्या आस्थापनेवरील सन २०१९ मधील २५ पोलीस शिपाई रिक्त पदांसाठी दि.२४ नोव्हेंबर रोजी लेखी घेण्यात आली होती. पोलीस शिपाई भरतीची लेखी परीक्षा दिलेल्या उमेदवारांची १ः१० प्रमाणे तात्पुर्ती गुणवत्ता व वर्गनिहाय यादी प्रचिलीत नियम व कार्यपध्दतीनुसार दि.२२ नोव्हेंबर रोजी संकेत स्थळावर प्रसिध्द करण्यात आली होती. त्याअनुषंगाने पोलीस भरती २०१९ साठी पात्र ठरलेल्या ३०४ उमेदवारांना दि.१७ डिसेंबर रोजी सकाळी ६ वाजता पोलीस कवायत मैदान नंदुरबार येथे मैदानी चाचणी करीता बोलविण्यात आले होते. त्यात ३०४ पैकी २१८ उमेदवार उपस्थित होते. या २०८ उमेदवारांचे कागदपत्र पडताळणी व उंची छातीमध्ये पात्र ठरलेल्या २१८ उमेदवारांची पुढील मैदानी चाचणीकरीता प्रवेश देवून त्यांची मैदानी चाचणी घेण्यात आली.
मैदानी चाचणीकरीता पात्र ठरलेले २१८ उमेदवारांचे मैदानी चाचणी गुणपत्रक या कार्यालयाचे अधिकृत संकेतस्थळ www.nandurbarpolice.org व पोलीस मुख्यालय , नंदुरबार येथे दर्शनी भागावर डकविण्यात आले आहे . संकेतस्थळावर प्रसिध्द करयात आलेल्या सदर मैदानी चाचणीचे गुणपत्रकामध्ये कोणास काही हरकत, आक्षेप असल्यास गुणयादी प्रसिध्द झाल्यापासून २४ तासांच्या आत पोलीस उपअधीक्षक मुख्यालय , नंदुरबार यांच्याकडे समक्ष निवेदन सादर करावीत . तद्नंतर प्राप्त झालेल्या हरकती आक्षेपांची दखल घेतली जाणार नाही याची नोंद घ्यावी असे पोलीस अधिक्षक पी.आर.पाटील यांनी प्रसिध्दी पत्रकान्वये कळविले आहे.
