नंदूरबार l प्रतिनिधी
नंदुरबार शहरातील गाझी नगरातून एक, शहादा शहरातील गणपती नगारातून एक व धडगाव येथील नर्मदा नगरातून एक अशा तीन मोटारसायकल चोरट्यांनी लंपास केल्या. याप्रकरणी विविध पोलिस ठाण्यात तीन वेगवेगळे गुन्हे दाखल करण्यात आले आहेत.
याबाबत पोलिस सूत्रांनी दिलेल्या माहितीनूसार, नंदुरबार येथील जमील मुक्तार पिंजारी यांच्या मालकीची दुचाकी (क्र.एम.एच.३९ एई २६०७) गाझी नगरातून चोरट्याने लंपास केली. तसेच शहादा येथील विशाल विठ्ठल मोरे यांच्या मालकीची दुचाकी (क्र.एम.एच. ४३ एक्स ३१८१) गणपती नगरातून चोरट्याने लंपास केली. तर धडगाव येथील विक्रम शिवराम पावरा यांच्या मालकीची दुचाकी (क्र.एम.एच.१८ बीपी ०९४०) नर्मदा कॉलनीतून चोरट्याने लंपास केली. याबाबत संबंधित पोलिस ठाण्यात तीन वेगवेगळे गुन्हे दाखल करण्यात आले आहेत.
