नंदुरबार | प्रतिनिधी
येथील संजय गांधी योजना शाखेमार्फत विशेष सहाय्य योजनेतील लाभार्थ्यांना इंदिरा गांधी योजनेचे ६० लाख २ हजार ४०० रुपये तसेच संजय गांधी व श्रावणबाळ वृद्धापकाळ योजनेचे १ कोटी ४० लाख ४३ हजार रुपये असे एकुण २ कोटी ४५ हजार २०० रुपये लाभार्थ्यांच्या खात्यात जमा करण्यात आले आहेत, अशी माहिती तहसिलदार भाऊसाहेब थोरात यांनी दिली.
येथीत तहसिल कार्यालयांतर्गत संजय गांधी योजना शाखेमार्फत विशेष सहाय्य योजनेतील लाभार्थ्यांना योजनानिहाय अनुदान लाभार्थ्यांच्या खात्यात जमा करण्यासाठी दि.२८ व २९ ऑक्टोबर रोजी इंदिरा गांधी योजनेचे ६० लाख २ हजार ४०० रुपये तसेच संजय गांधी व श्रावणबाळ वृद्धापकाळ योजनेचे एकुण १ कोटी ४० लाख ४३ हजार २०० रुपये असे एकुण २ कोटी ४५ हजार २०० रुपये लाभार्थ्यांच्या खात्यात जमा करण्यात आले आहेत. यात संजय गांधी योजना (सर्वसाधारण) चे २ हजार ९९ लाभार्थी असून त्यांना ४३ लाख २५ हजार, अनुसूचित जातीचे ३८० लाभार्थी असून त्यांना ११ लाख ४६ हजार ६०० रुपये, अनुसूचित जमातीचे ६१२ लाभार्थी असून त्यांना ६ लाख १९ हजार ६०० रुपये, श्रावणबाळ (सर्वसाधारण) चे २ हजार ११६ लाभार्थी असून त्यांना ६३ लाख ३३ हजार रुपये, अनुसूचित जातीचे १४६ लाभार्थी असून त्यांना ४ लाख ३८ हजार, अनुसूचित जमातीचे ४९० लाभार्थी असून त्यांना ९ लाख ८० हजार, इंदिरा गांधी वृद्धापकाळ योजनेचे ४ हजार ३९० लाभार्थी असून त्यांना ४२ लाख ९० हजार, विधवा ७७६ असून त्यांना १६ लाख ४७ हजार ४०० रुपये, दिव्यांगाचे ६५ लाभार्थी असून त्यांना ६५ हजार असे एकुण २ कोटी ४३ लाख ४५ हजार २०० रुपयांचे अनुदान त्यांच्या खात्यात जमा करण्यात आल्याची माहिती तहसिलदार भाऊसाहेब थोरात यांनी दिली.
लाभार्थ्यांना दिवाळीपूर्वी त्यांच्या खात्यात अनुदान जमा करण्यासाठी तहसिलदार भाऊसाहेब थोरात यांच्या मार्गदर्शनाखाली नायब तहसिलदार नितीन पाटील, अव्वल कारकुन प्रिती पाटील, मंगला वसावे, चेतन सोनार यांनी काम पाहिले.
