सैनिकी विद्यालयात राज्यस्तरीय बालचित्रकला स्पर्धेला उत्स्फूर्त प्रतिसाद
नंदुरबार l प्रतिनिधी-
पथराई ता. नंदुरबार येथील के.डी. गावित सैनिकी विद्यालयात राज्यस्तरीय बालचित्रकला स्पर्ध स्पर्धेत १०५ विद्यार्थ्यांचा सहभाग. महाराष्ट्र शासनाच्या उच्च व तंत्रशिक्षण विभागाच्या कला संचालनालय, महाराष्ट्र राज्य यांच्या नियंत्रणाखाली महाराष्ट्र राज्य कला शिक्षण मंडळ, मुंबई यांच्या वतीने आयोजित राज्यस्तरीय बालचित्रकला स्पर्धा २०२६ मध्ये के.डी. गावित सैनिकी विद्यालय व कनिष्ठ महाविद्यालयात घेण्यात आली, स्पर्धेत १०५ विद्यार्थ्यांनी उत्स्फूर्त सहभाग नोंदविला.
विद्यार्थ्यांच्या सुप्त कलागुणांना वाव मिळावा, त्यांच्या कल्पकता, सर्जनशीलता व सौंदर्यदृष्टीला चालना मिळावी, तसेच रंग-रेषांच्या माध्यमातून त्यांच्या मनातील कल्पनांना मुक्त अभिव्यक्तीचे व्यासपीठ मिळावे, या उद्देशाने या स्पर्धेचे आयोजन करण्यात आले. आठ ऑगस्ट २०२६ रोजी झालेल्या या स्पर्धेत विद्यार्थ्यांनी मोठ्या उत्साहाने सहभाग घेत विविध विषयांवर कल्पक आणि आकर्षक चित्रे साकारली.
स्पर्धेदरम्यान विद्यार्थ्यांनी रंगसंगती, रेषांकन आणि कल्पनाशक्तीचा सुरेख मिलाफ साधत आपल्या कलात्मक प्रतिभेचे दर्शन घडविले.
विद्यार्थ्यांच्या उत्स्फूर्त सहभागामुळे विद्यालय परिसरात कलात्मक आणि उत्साहपूर्ण वातावरण निर्माण झाले.
स्पर्धेचे नियोजन उमेश राजपूत यांनी केले. यावेळी विद्यार्थ्यांचे निरीक्षण व मार्गदर्शन करण्यासाठी विद्यालयाचे प्राचार्य शरद पाटील, प्रल्हाद संदानशिव, भागुराव जाधव, विद्या पाडवी आणि सुरेश पाडवी उपस्थित होते.
