नंदुरबार l प्रतिनिधी-
भारतीय जनता पार्टी, अनुसूचित जमाती (ST) मोर्चाची महाराष्ट्र प्रदेश कार्यकारिणी घोषित करण्यात आली असून नंदुरबार जिल्हा परिषदेच्या माजी अध्यक्षा डॉ. सुप्रिया विजयकुमार गावित यांची प्रदेश कार्यकारिणीच्या उपाध्यक्षपदी निवड झाली आहे. यामुळे जिल्हाभरातील कार्यकर्त्यांमध्ये अत्यंत उत्साह निर्माण झाला आहे.
भारतीय जनता पार्टी अनुसुचित जमाती मोर्चाचे महाराष्ट्र प्रदेशाध्यक्ष तथा माजी आमदार(गडचिरोली) डॉ. देवराव एम. होळी आणि अनुसूचित जमाती मोर्चाचे प्रभारी, महाराष्ट्र प्रदेश महामंत्री तथा आमदार योगेश सागर यांनी ही प्रदेश कार्यकारिणी घोषित केली असून डॉक्टर सुप्रियाताई गावित यांना निवड केल्याचे पत्र दिले आहे. मराठवाडा, विदर्भ, ठाणे, उत्तर महाराष्ट्र अशा विविध भागातून महाराष्ट्र प्रदेश कार्यकारिणीवर एकूण 8 उपाध्यक्ष निवड करण्यात आले आहेत. डॉक्टर सुप्रिया गावित यांची उत्तर महाराष्ट्रातून प्रदेश कार्यकारिणीवर उपाध्यक्ष म्हणून निवड करण्यात आली आहे. याबद्दल उत्तर महाराष्ट्रातील अनेक पदाधिकारी कार्यकर्ते यांच्याकडून डॉक्टर सुप्रिया गावित यांचे अभिनंदन करण्यात आले.
दरम्यान, नंदुरबार येथील खोडाई माता रोड वरील निवासस्थानी भेट घेऊन जिल्ह्यातील विविध पदाधिकारी कार्यकर्ते यांनी देखील स्वागत आणि सत्कार करीत डॉक्टर सुप्रिया गावित व माजी खासदार डॉक्टर हिना गावित यांच्यावर अभिनंदनचा वर्षाव केला. याप्रसंगी नंदुरबार, अक्कलकुवा, धडगाव, शहादा, तळोदा या सर्व तालुक्यातील मान्यवर पदाधिकारी कार्यकर्ते आणि चाहते मोठ्या संख्येने उपस्थित होते.
डॉक्टर सुप्रिया गावित या महाराष्ट्राचे आदिवासी विकास मंत्री डॉक्टर विजयकुमार गावित व नंदुरबार जिल्हा परिषदेच्या माजी अध्यक्षा डॉ कुमुदिनी गावित यांच्या कन्या आहेत, तर माजी खासदार संसद रत्न डॉक्टर हिना गावित यांच्या लहान भगिनी आहेत. डॉ.
यांनी डॉ.विजयकुमार गावित व डॉक्टर हिना गावित यांच्या मार्गदर्शनात नंदुरबार जिल्हा परिषदेच्या अध्यक्षपदी असताना उल्लेखनीय कार्य केलेले आहे.
