नंदुरबार l प्रतिनिधी-
पुण्यश्लोक अहिल्याबाई होळकर यांच्या ३०१ व्या जयंतीनिमित्त नंदुरबार तालुक्यातील घोटाणे येथे विविध कार्यक्रमांचे आयोजन करण्यात आले. यावेळी संसदरत्न तथा माजी खासदार डॉ. हिना गावित यांनी अहिल्यादेवी होळकर यांच्या अर्धाकृती पुतळ्यास पुष्पहार अर्पण करून विनम्र अभिवादन केले.
यावेळी बोलताना डॉ. गावित यांनी पुण्यश्लोक अहिल्यादेवी होळकर यांच्या लोककल्याणकारी कार्याचा आदर्श समाजाने अंगीकारण्याची गरज असल्याचे सांगितले. त्यांच्या कार्यामुळे भारतीय इतिहासात त्यांचे नाव सुवर्णाक्षरांनी कोरले गेले असल्याचे त्यांनी नमूद केले.
कार्यक्रमास घोटाणे गावचे लोकनियुक्त सरपंच सचिन धनगर, तुकाराम धनगर, सुभाष गोसावी, रंगराज धनगर, दादाभाई धनगर, प्रकाश धनगर, प्रदीप पाटील, दीपक चौधरी यांच्यासह ग्रामस्थ व धनगर समाज बांधव मोठ्या संख्येने उपस्थित होते. जयंतीनिमित्त उपस्थितांनी अहिल्यादेवी होळकर यांच्या कार्याला उजाळा देत त्यांना अभिवादन केले.
