नंदुरबार l प्रतिनिधी-
श्री आशापुरी माता फाउंडेशन अँड रिसर्च सेंटर नंदुरबार तर्फे प्रजासत्ताक दिनानिमित्त दिनांक 26 जानेवारी रोजी दुपारी एक ते चार या दरम्यान होळ हवेली येथील विनय विहार येथे ई -कचरा संकलन करण्यात आले.
नंदुरबार डिस्ट्रिक्ट डेव्हलपमेंट कौन्सिल (NDDC) यांनी नंदुरबार शहरात ‘ई-कचरा जनजागृती आणि संकलन अभियान’ राबविण्यासाठी शहरातील विविध सेवाभावी व शैक्षणिक संस्था यांना सोबत घेऊन सदर मोहिमेला सुरुवात केली.
यात श्री आशापुरी माता फाउंडेशन रिसर्च सेंटर नंदुरबार यांनी त्यांच्या होळ हवेली परिसरात घरोघरी जाऊन ई -कचरा संदर्भात जनजागृती केली. यावेळी परिसरातील नागरिकांनी उत्स्फूर्तपणे प्रतिसाद दिला.
यावेळी पूर्णम ईकोव्हिजन फाऊंडेशनचे रोहित कुसाळकर, NDDC चे आशिष वाणी व विनोद देसले यांनी सदर ठिकाणी भेट देऊन संस्थेचे अध्यक्ष दिनेश पाटील, सचिव चेतना पाटील, कोषाध्यक्ष अमोल परदेशी, प्रज्ञा वडनगरे व नागरिक यांना या उपक्रमाबद्दल माहिती दिली. उपस्थितांसमोर संस्थेचे सचिव सौं.चेतना पाटील यांनी ही संस्थेसंदर्भात माहिती दिली व ई – कचरा उपक्रमाचे महत्त्व पटवून दिले. तसेच परिसरातील व कॉलनीतील नागरिकांनी आपल्या घरातील खराब झालेले इलेक्ट्रॉनिक्स व इलेक्ट्रिक वस्तू सदर केंद्रावर जमा केले.
