नंदुरबार l प्रतिनिधी-
जिल्हास्तरीय शालेय फुटबॉल स्पर्धेमध्ये एस.ए.मिशन हायस्कुल व कनिष्ठ महाविद्यालयाचा संघ विजयी झाला.
नंदुरबार येथील चावरा इंग्लिश मेडीयम स्कुल येथे जिल्हा क्रीडाधिकारी कार्यालय नंदुरबार यांच्या वतीने जिल्हास्तरीय शालेय फुटबॉल स्पर्धेचे आयोजन करण्यात आले आहे या स्पर्धेत एस.ए.मिशन हायस्कूल व कनिष्ठ महाविद्यालय येथील 17 वर्षातील मुलांच्या संघाने आपल्या दमदार कामगिरीच्या जोरावर प्रथम क्रमांक पटकवला ह्या स्पर्धेत पहिल्या सामन्यात के.आर पब्लिक स्कूल संघावर 2-0 ने मात करीत दुसऱ्या सामन्यात डी.आर हायस्कूल संघाचा 1-0 ने पराभव केला त्यांनतर उपांत्यपूर्व फेरीत पोदार इंटरनॅशनल स्कुल संघाचा 1-0 तर उपांत्य सामन्यात शहादा येथील मिशन हायस्कूल संघावर वर पेनल्टी स्ट्रोक मध्ये 4-3 ने रोमहर्षक विजय मिळवत अंतिम फेरीत प्रवेश केला.
या सामन्यात चावरा इंग्लिश मेडीयम स्कुल संघाचा 2-0 ने पराभव करीत जिल्हास्तरीय स्पर्धेत प्रथम क्रमांक पटकविला ह्या संघात आलोक पाडवी, प्रिन्स गावित, रणवीरसिंग नाईक, गणेश पावरा, स्तवन वसावे, भरत साबळे, आशिष गावित, रुशील पवार, कार्तिक तडवी, सौरभ राजपूत, वैभव वळवी, शुभम गावित, संदेश गायकवाड, आदित्य पावरा, आदेश पाडवी, अभय वळवी,प्रणव गावित इ. खेळाडू होते. या कामगिरीबद्दल शाळेच्या प्राचार्य नूतनवर्षा वळवी, उप मुख्याध्यापक विजय पवार, पर्यवेक्षिका वंदना जांबिलसा,पर्यवेक्षक मीनल वळवी यांनी संघाचे कौतुक केले, या संघास सतीष सदाराव, शारदा पाटील, खुशाल शर्मा यांचे मार्गदर्शन लाभले.
