नंदुरबार ! प्रतिनिधी
एन एस ई फौंडेशन व आय.एस. ए.पी. संस्थेकडून प्रकल्प समर्थ अंतर्गत जुनमोहिदे ,नळवे बु , होळ तर्फे रनाळा या गावांमध्ये कोविड लसीकरण जनजागृती कार्यक्रम घेण्यात आला.
एक आठवड्यापासून नंदुरबार तालुक्यातील खेडोपाडी आय.एस. ए.पी.संस्थेंतर्गत प्रकल्प समर्थच्या माध्यमातून पंचवीस गावामध्ये कोविड लसीकरण जनजागृती उपक्रम राबविला जात आहे . लसीकरणाबाबत असलेले गैरसमज दूर करण्याचे काम प्रकल्प समर्थच्या माध्यमातून केले जात आहे . या कार्यक्रमाला प्रकल्प प्रमुख दीप्ती महाजन यांचे मार्गदर्शन लाभले असून , जिल्हा व्यवस्थापक परशुराम आंबरे ,डॉ. राजेंद्र आगळे , बाळासाहेब घुले , विशाल घरटे , निकिता टेकाळे , दिनेश पावरा ,अशोक पाटील, सविता पाटील , शबाना खाटीक ,दीपक वाघ , हर्षल बागले यांनी मेहनत घेतली .
