नंदुरबार l प्रतिनिधी
शहादा-शिरपूर रस्त्यावरील हिंगणी गावाच्या फाट्याजवळ दुचाकींच्या झालेल्या अपघातात एकाचा मृत्यू झाला असून एका दुचाकी चालका विरोधात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार,शहादा तालुक्यातील खैरवे येथील रविंद्र चतुर मोरे व श्रीकांत युवराज पाटील हे त्यांच्या दुचाकीने (क्र.एम.एच.१८ एएम ८४८५) शहादा-शिरपूर रस्त्याने जात होते. यावेळी एका अज्ञात दुचाकी चालकाने त्याच्या ताब्यातील दुचाकी (क्र.एम.एच.४१ एएन ७४९२) रस्त्याच्या परिस्थितीकडे दुर्लक्ष करुन भरधाव वेगात दुचाकी चालवून हिंगणी फाट्याजवळ श्रीकांत पाटील यांच्या दुचाकीला धडक दिल्याने अपघात घडला.
घडलेल्या अपघातात रविंद्र मोरे यांना गंभीर दुखापत झाल्याने त्यांचा मृत्यू झाला तर श्रीकांत पाटील यांना दुखापत झाली. याबाबत प्रशांत दिलीप भिल यांच्या फिर्यादीवरुन सारंगखेडा पोलिस ठाण्यात अज्ञात दुचाकी चालकाविरोश्र्धाात भादंवि कलम ३०४ (अ), २७९, ३३७, ३३८, ४२७, मोटार वाहन कायदा कलम १३४, १८४, १८७ प्रमाणे गुन्हा दाखल करण्यात आला आहे. पुढीलतपास सहाय्यक पोलिस उपनिरीक्षक भगवान कोळी करीत आहेत.