नंदुरबार l
येथील दोन दिवशीय बाल नाट्य प्रशिक्षण शिबिरात सुमारे २० बाल कलावंतांनी सहभाग घेतला. या शिबिरातून बाल कलावंतांना राज्य बालनाट्य स्पर्धेत आपली अभिनयाची चुणूक दाखवण्याची संधी मिळणार आहे. यावेळी मुंबईचे नाट्य लेखक तथा दिग्दर्शक आसेफ शेख अन्सारी यांचे बाल कलावंतांना मार्गदर्शन लाभले.
बालरंगभूमी परिषद नंदुरबार जिल्हा शाखा तसेच गाडगेबाबा शैक्षणिक व सांस्कृतिक सेवा मंडळ, शिंदे यांच्या संयुक्त विद्यमाने आयोजित दोन दिवशीय बाल नाट्य प्रशिक्षण शिबिराचे उद्घाटन मुंबई येथील नाट्य लेखक तथा दिग्दर्शक आसेफ शेख अन्सारी यांच्या हस्ते करण्यात आले. यावेळी प्रमुख पाहुणे म्हणून नंदकिशोर सूर्यवंशी, मिलिंद पिंगळे, राकेश पटेल, नारायण अहिरे, धर्मेंद्र भारती आदी उपस्थित होते. यावेळी २० बाल कलावंत सहभागी झाले होते.
प्रशिक्षण शिबिरासाठी मुंबईचे नाट्य लेखक तथा दिग्दर्शक आसेफ शेख अन्सारी यांनी मार्गदर्शन केले. या शिबिरातून जिल्ह्यातील विद्यार्थ्यांना राज्य बालनाट्य स्पर्धेत आपली अभिनयाची चुणूक दाखवण्याची संधी मिळणार आहे. शालेय विद्यार्थ्यांना मोठा रंगमंच मिळावा या उद्देशाने शासनाच्या या स्पर्धेत भाग घेण्याचे ठरवण्यात आले आहे. बाल नाट्य प्रशिक्षणासाठी बालरंगभूमी परिषद नंदुरबार जिल्हा शाखेचे मुख्य कार्यवाह नागसेन पेंढारकर, राजेश जाधव, मनोज सोनार, चिदानंद तांबोळी, जितेंद्र खवळे, हेमंत पेंढारकर आदी परिश्रम घेत आहेत.
